campost.asia

អាល្លឺម៉ង់ បន្តគាំទ្រកំណែទម្រង់វិមជ្ឈការ និងវិសហមជ្ឈការនៅកម្ពុជា

ភ្នំពេញៈ រដ្ឋាភិបាលសាធារណរដ្ឋសហព័ន្ធអាល្លឺម៉ង់ បានបង្ហាញការពេញចិត្ត និងមានឆន្ទៈខ្ពស់ ដើម្បីបន្តកិច្ចសហប្រតិបត្តិការជាមួយកម្ពុជា លើការងារជ្រោមជ្រែងកំណែទម្រង់វិមជ្ឈការ និងវិសហមជ្ឈការនៅកម្ពុជា។ នេះបើតាមការថ្លែងរបស់លោកស្រី SILKE RÖFER ឯកអគ្គរដ្ឋទូតអាល្លឺម៉ង់ ប្រចាំនៅកម្ពុជា នាឱកាសដឹកនាំសហការីជួបពិភាក្សាការងារជាមួយលោកអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ នៅទីស្តីការក្រសួងមហាផ្ទៃ នៅរសៀលថ្ងៃទី២៧ ខែតុលា ឆ្នាំ២០២៦។

ថ្ងៃទី ៖ 27-10-2026, ដោយ Dara007 | 10 Views

រដ្ឋសភាកម្ពុជា ថ្កោលទោសចំពោះការបង្កើតរដ្ឋសភាដោយខុសច្បាប់របស់ពួកឧទ្ទាមក្រៅប្រទេស ដែលបានបង្កើតរដ្ឋសភាដោយខុសច្បាប់

ភ្នំពេញៈ រដ្ឋសភាកម្ពុជា បានចាត់ទុកអង្គការចាត់តាំងនេះជាស្ថាប័នខុសច្បាប់ រំលោភរដ្ឋធម្មនុញ្ញ មិនស្របតាមរបបលទ្ធិប្រជាធិបតេយ្យ មិនគោរពឆន្ទៈរបស់ប្រជាពលរដ្ឋដែលបានបោះឆ្នោតជ្រើសតាំងតំណាងរាស្ត្រនីតិកាលទី៧ កាលពី ថ្ងៃទី២៣ ខែកក្កដា ឆ្នាំ២០២៣ ដើម្បីបង្កើតរដ្ឋសភានៃព្រះរាជាណាចក្រកម្ពុជា ដែលជាស្ថាប័ននីតិបញ្ញត្តិ ស្របច្បាប់តែមួយគត់ តាមឆន្ទៈពិតប្រាកដរបស់ប្រជាពលរដ្ឋ និងគោលការណ៍លទ្ធិប្រជាធិបតេយ្យ។

ថ្ងៃទី ៖ 27-10-2026, ដោយ Dara007 | 16 Views

គ្រឿងបរិក្ខារព្រះសង្ឃតាមព្រះវិន័យ បានដាក់តាំងបង្ហាញនៅសារមន្ទីរ ព្រះនរោត្តមសីហនុ-អង្គរ

សៀមរាបៈ នាព្រឹកថ្ងៃទី២៣ ខែតុលា ឆ្នាំ២០២៦ នៅសារមន្ទីរព្រះនរោត្តមសីហនុ-អង្គរ ក្រុមការងារស្រាវជ្រាវនៃការិយាល័យស្រាវជ្រាវ និងតម្កល់ឯកសារ នៃនាយកដ្ឋានស្រាវជ្រាវ បណ្តុះបណ្តាល និងផ្សព្វផ្សាយ បានរៀបចំដាក់តាំងបង្ហាញអំពីគ្រឿងបរិក្ខាររបស់ព្រះសង្ឃ ដែលប្រើប្រាស់ចាំបាច់ប្រចាំថ្ងៃ តាមពុទ្ធប្បញ្ញត្តិ ក្នុងព្រះវិន័យបិដក អំពីអដ្ឋបរិក្ខារ គឺគ្រឿងប្រើប្រាស់ទាំង៨យ៉ាង ដែលភិក្ខុគ្រប់ព្រះអង្គត្រូវតែមាន និងរក្សាទុកឱ្យបានគ្រប់គ្រាន់ ក្នុងការប្រតិបត្តិធម៌ប្រចាំថ្ងៃ។

ថ្ងៃទី ៖ 27-10-2026, ដោយ Dara007 | 50 Views

សម្ដេចធិបតី ជួបសំណេះសំណាល ជាមួយលោកគ្រូ អ្នកគ្រូបង្គោល និងនាយក នាយិកា នៃសាលារៀនចំនួន ១៦០សាលា ដែលជាសាលារៀនគោលដៅរបស់គណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ

ភ្នំពេញៈ សម្ដេចធិបតី ហ៊ុន ម៉ាណែត នាយករដ្ឋមន្រ្ដីកម្ពុជា មានប្រសាសន៍ថា គោលបំណងនៃជំនួបថ្ងៃនេះ គឺដើម្បីចុះស្តាប់ដោយផ្ទាល់អំពីវឌ្ឍនភាពការងារ លទ្ធផលសម្រេចបាន និងបញ្ហាប្រឈមក្នុងការអនុវត្តកម្មវិធីសិក្សាថែមម៉ោង ព្រមទាំងធ្វើការវាយតម្លៃលើការអនុវត្តរបស់សាលាគោលដៅដែលបានអនុវត្តកន្លងមក ជាពិសេសស្វែងរកវិធីសាស្ត្របន្ថែមក្នុងការជំរុញការអប់រំនៅកម្រិតមូលដ្ឋានដើម្បីឈានទៅអាចអនុវត្តស្តង់ដានៃការបណ្តុះបណ្តាល និងគុណភាពការអប់រំកាន់តែល្អប្រសើរ ដោយឈរលើការផ្តល់ការអប់រំដល់សិស្សប្រកបដោយគុណភាព ឥរិយាបថល្អ សីលធម៌ និងការទទួលខុសត្រូវ ឱ្យបានគ្រប់សាលារៀននៅទូទាំងប្រទេស នាព្រឹកថ្ងៃទី២៧ ខែតុលា ឆ្នាំ២០២៦។

ថ្ងៃទី ៖ 27-10-2026, ដោយ Dara007 | 37 Views

លោក ហ៊ុន ម៉ានី សម្រេចឱ្យក្រុមការងារសាងសង់ស្ពានអង្គដូនទេព ឃុំព្រៃវិហារ និងមរតកកូនខ្ញុំ នៅឃុំស្នំក្រពើ នៃប្រឡាយមេរលាំងជ្រៃខាងត្បូង-ស្លាគូនៅខេត្ដកំពង់ស្ពឺ

ភ្នំពេញៈ លោក ហ៊ុន ម៉ានី ឧបនាយករដ្ឋមន្រ្ដីរដ្ឋមន្រ្ដីក្រសួងមុខងារសាធារណៈ បានសម្រេចឱ្យក្រុមការងារសាងសង់ស្ពានអង្គដូនទេព ឃុំព្រៃវិហារ និងមរតកកូនខ្ញុំ នៅឃុំស្នំក្រពើ នៃប្រឡាយមេរលាំងជ្រៃខាងត្បូង-ស្លាគូនៅខេត្ដកំពង់ស្ពឺ ខណៈដែលទឹកជំនន់បានបង្កឱ្យដាច់ស្ពានបណ្ដោះអាស័ន្នមួយចំនួនដែលធ្វើឱ្យប៉ះពាល់ដល់ការធ្វើដំណើររបស់បងប្អូនប្រជាពលរដ្ឋ។

ថ្ងៃទី ៖ 27-10-2026, ដោយ Dara007 | 32 Views

៩ខែ ឆ្នាំ២០២៦ សាលាជាតិរដ្ឋបាលមូលដ្ឋាន នៃក្រសួងមហាផ្ទៃ លើកកម្ពស់សមត្ថភាពមន្ត្រីថ្នាក់ជាតិ និងក្រោមជាតិ ជិត៣ពាន់នាក់ ទាំងក្នុងនិងក្រៅប្រទេស

ភ្នំពេញៈ ក្នុងរយៈពេល ៩ខែ ឆ្នាំ២០២៦នេះ សាលាជាតិរដ្ឋបាលមូលដ្ឋាន នៃក្រសួងមហាផ្ទៃ ហៅកាត់ថា NASLA បានបន្តរៀបចំវគ្គបណ្តុះបណ្តាលមន្ត្រីចំនួន៤៦វគ្គ ដោយមានសិក្ខាកាមចូលរួមសិក្សាសរុប២.៨១៣រូប ក្នុងនោះស្ត្រីមាន១.១២៥រូប។ វគ្គបណ្ដុះបណ្ដាលទាំងនោះ ផ្ដោតលើក្រុមគោលដៅជាមន្ត្រីរាជការស៊ីវិល នៅទីស្ដីការក្រសួងមហាផ្ទៃ និងនៅរដ្ឋបាលថ្នាក់ក្រោមជាតិ ទាំងថ្នាក់រាជធានី ខេត្ត ក្រុង ស្រុក ខណ្ឌ និងឃុំ សង្កាត់។ ចំនួននេះ សម្រេចបានប្រមាណ១៣០.៨ ភាគរយធៀបនឹងផែនការដែលបានគ្រោងទុក។

ថ្ងៃទី ៖ 27-10-2026, ដោយ Dara007 | 48 Views

ឃាត់ខ្លួនជនសង្ស័យ ៣នាក់ ក្នុងអំពើកាប់ប្ល.ន់ យកម៉ូតូ០៣គ្រឿងនៅខេត្តស្វាយរៀងបានហើយ

ភ្នំពេញៈ កម្លាំងប៉ុស្តិ៍នគរបាលរដ្ឋបាលឃ្មួញ សហការជាមួយកម្លាំងជំនាញនៃអធិការដ្ឋាននគរបាលខណ្ឌសែន សុខ បង្រ្កាបឃាត់ខ្លួនជនសង្ស័យចំនួន៣នាក់ក្នុងអំពើកាប់ប្ល.ន់ យកម៉ូតូ០៣គ្រឿងនៅខេត្តស្វាយរៀង។

ថ្ងៃទី ៖ 27-10-2026, ដោយ Dara007 | 45 Views

កម្មករនៅរោងចក្រ ខេមបូឌាន ខេឡៃយ៉ា ហ្គាម៉ិន បានវិលចូលធ្វើការវិញហើយ

កំពង់ស្ពឺៈ លោក ស៊ុន មេសា អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា ករណីក្រុមហ៊ុន ខេមបូឌាន ខេឡៃយ៉ា ហ្គាម៉ិន ឯ.ក មិនបានបើកប្រាក់ឈ្នួលជូនកម្មករនិយោជិតតាមកាលកំណត់ ត្រូវបានដោះស្រាយបញ្ចប់កាលពីថ្ងៃទី២៦ ខែតុលា ឆ្នាំ២០២៦ ក្រោមការសម្របសម្រួលរបស់មន្ត្រីជំនាញក្រសួងការងារ និងបណ្តុះបណ្តាលវិជ្ជាជីវៈ និងអាជ្ញាធរមូលដ្ឋាន។ បើតាមលោក ស៊ុន មេសា បងប្អូនកម្មករបានវិលចូលធ្វើការវិញជាធម្មតានៅថ្ងៃទី២៧ ខែតុលានេះ។

ថ្ងៃទី ៖ 27-10-2026, ដោយ Dara007 | 53 Views

៥ថ្ងៃ ភ្ញៀវទេសចរ ជាង៦សែននាក់ មកកម្សាន្ត ក្នុងពិធីប្រណាំងទូកក្នុងពិធីបុណ្យចេញព្រះវស្សា នៅខេត្តកំពង់ចាម

កំពង់ចាមៈ ក្នុងឱកាសប្រារព្ធពិធីបុណ្យចេញព្រះវស្សា រយៈពេល ៥ថ្ងៃ ខេត្តកំពង់ចាម ទទួលបានភ្ញៀវទេសចរចំនួន ៦៧៦.៦៣៦ នាក់ មកកម្សាន្តសប្បាយ ក្នុងពិធីប្រណាំងទូក បណ្ដែតប្រទីប បាញ់កាំជ្រួច និងតាំងពិព័រណ៌សមិទ្ធផលនានា។

ថ្ងៃទី ៖ 27-10-2026, ដោយ Dara007 | 45 Views

៩ខែ ឆ្នាំ២០២៦ អគ្គាធិការដ្ឋានក្រសួងមហាផ្ទៃ ទទួលបាន១០៣១បណ្ដឹង ដោះស្រាយបានជាង៨០០

ភ្នំពេញៈ ក្នុងរយៈពេល៩ខែ ឆ្នាំ២០២៦នេះ អគ្គាធិការដ្ឋានក្រសួងមហាផ្ទៃ បានទទួលពាក្យបណ្ដឹងសរុប១០៣១បណ្ដឹង ក្នុងនោះ បានចាត់ការពិនិត្យសិក្សាចំនួន៩០១បណ្ដឹង និងដោះស្រាយបាន៨៦៣បណ្ដឹង។ ចំនួននេះ បើធៀបនឹងរយៈពេលដូចគ្នា ឆ្នាំ២០២៥ ចំនួនបណ្ដឹងកើនឡើង៣២០បណ្ដឹង ស្មើនឹង៥៥ភាគរយ។ នេះបើតាមរបាយការណ៍អគ្គាធិការរដ្ឋាន ផ្ដល់មកកាន់ក្រុមអ្នកនាំពាក្យក្រសួងមហាផ្ទៃ។

ថ្ងៃទី ៖ 26-10-2026, ដោយ Dara007 | 60 Views

សម្ដេចធិបតី៖កម្ពុជានៅតែគោរពស្មារតី នៃសេចក្តីថ្លែងការរួម ទីក្រុងកូឡាឡាំពួរ និងប្តេជ្ញាចិត្តរបស់យើងក្នុងការដោះស្រាយបញ្ហាទំនាស់ព្រំដែន និងខណ្ឌសីមាព្រំដែនតាមសន្តិវិធី និងច្បាប់អន្តរជាតិក្នុងជម្លោះព្រំដែនកម្ពុជានិងថៃ

ភ្នំពេញៈ សម្ដេចធិបតី ហ៊ុន ម៉ាណែត នាយករដ្ឋមន្រ្ដីកម្ពុជា មានប្រសាសន៍ថា ថ្ងៃនេះគឺគម្រប់ខួប ១ឆ្នាំ នៃសេចក្តីថ្លែងការរួម ទីក្រុងកូឡាឡាំពួរ រវាងកម្ពុជានិងថៃ (ឬហៅថា កិច្ចព្រមព្រៀងសន្តិភាព ទីក្រុងកូឡាឡាំពួរ) ២៦ តុលា ២០២៥ - ២៦ តុលា ២០២៦។

ថ្ងៃទី ៖ 26-10-2026, ដោយ Dara007 | 44 Views

លោក ស សុខា ផ្ដាំផ្ញើដល់គណៈកម្មការ និងកីឡាករទូក ងទាំងអស់ ត្រូវមានកម្លាំងសាមគ្គីភាពល្អជាមួយគ្នា ចេះយោគយល់អធ្យាស្រ័យ និងសហការគ្នាយ៉ាងជិតស្និទ្ធក្នុងការប្រកួត

ព្រៃវែងៈ លោក ស សុខា ផ្ដាំផ្ញើដល់គណៈកម្មការ និងកីឡាករទូក ងទាំងអស់ ត្រូវមានកម្លាំងសាមគ្គីភាពល្អជាមួយគ្នា ចេះយោគយល់អធ្យាស្រ័យ និងសហការគ្នាយ៉ាងជិតស្និទ្ធក្នុងការប្រកួត ដើម្បីប្រកាន់ខ្ជាប់នូវវិន័យ សីលធម៌ ស្រឡាញ់ និងរក្សាសេចក្តីថ្លៃថ្នូរជាកីឡាករ ។

ថ្ងៃទី ៖ 26-10-2026, ដោយ Dara007 | 48 Views

កម្ពុជា តវ៉ាចំពោះការបន្តរំលោភបំពានរបស់ថៃ លើអធិបតេយ្យ និងបូរណភាពទឹកដីកម្ពុជា នៅតំបន់តាទុំ ស្រុកអន្លង់វែង ខេត្តឧត្តរមានជ័យ

ភ្នំពេញៈ កម្ពុជា តវ៉ាចំពោះការបន្តរំលោភបំពានរបស់ថៃ លើអធិបតេយ្យ និងបូរណភាពទឹកដីកម្ពុជា នៅតំបន់តាទុំ ស្រុកអន្លង់វែង ខេត្តឧត្តរមានជ័យ ចន្លោះបង្គោលព្រំដែនលេខ៩ លេខ១០ និងលេខ១១ ខណៈកងកម្លាំងប្រដាប់អាវុធរបស់ថៃ បានបាញ់ថ្នាំពណ៍លើដើមឈើ ដើម្បីត្រៀមរៀបចំបន្ដសាងសង់ផ្លូវបន្ថែមទៀត។

ថ្ងៃទី ៖ 24-10-2026, ដោយ Dara007 | 45 Views

ជនជាតិវៀតណាម ៣៦នាក់ ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា ត្រូវបានបណ្ដេញចេញពីកម្ពុជា

ត្បូងឃ្មុំៈ នាយកដ្ឋានស៊ើបអង្កេត និងអនុវត្តនីតិវិធីនៃអគ្គនាយក នៃអគ្គនាយកដ្ឋានអន្តោប្រវេសន៍ ធ្វើការបណ្ដេញជនជាតិវៀតណាម សរុបចំនួន ៣៦នាក់ (ស្រី ១២នាក់) ដែលពាក់ព័ន្ធការលួចស្នាក់នៅ ធ្វើការងារខុសច្បាប់នឹង ឆបោកតាមប្រព័ន្ធបច្ចេកវិទ្យា (Online Scams) ចេញពីព្រះរាជាណាចក្រកម្ពុជា តាមប៉ុស្តិ៍នគរបាលច្រកទ្វារព្រំដែនអន្តរជាតិត្រពាំងផ្លុង ខេត្តត្បូងឃ្មុំ។

ថ្ងៃទី ៖ 24-10-2026, ដោយ Dara007 | 82 Views

កម្ពុជាត្រៀមធ្វើជាម្ចាស់ផ្ទះធ្វើសមយុទ្ធយាធាជាមួយប្រទេសចិន អាមេរិក ជប៉ុន កូរ៉េខាត្បូង

កំពង់ស្ពឺៈ សម្ដេចធិបតី ថ្លែងថា កម្ពុជាត្រៀមធ្វើជាម្ចាស់ផ្ទះធ្វើសមយុទ្ធយាធាជាមួយប្រទេសចិន អាមេរិក ជប៉ុន កូរ៉េខាត្បូង ដើម្បីពង្រឹងវិស័យការពារជាតិឱ្យកាន់តែរឹងមាំបន្ថែមទៀត។

ថ្ងៃទី ៖ 24-10-2026, ដោយ Dara007 | 82 Views