|
អភិបាលខេត្តកណ្ដាលថ្មី ៖ ផ្លូវជុំវិញផ្សារ និងខាងក្នុងផ្សារតាខ្មៅចាស់ នឹងត្រូវជួសជុលកែលម្អឡើងវិញ ដើម្បីភាពស្អាត និងសុខភាពរបស់ពលរដ្ឋ »
ថ្ងៃទី ៖ 19-07-2024, ដោយ Dara007 , 122 Views
កណ្ដាល : ក្នុងឱកាសចុះពិនិត្យស្ថានភាពទូទៅនៅបរិវេណផ្សារតាខ្មៅចាស់រួច លោក គួច ចំរើន អភិបាល នៃគណៈអភិបាលខេត្តបានណែនាំដល់មន្ទីរសាធារណៈការ និងដឹកជញ្ជូនខេត្តកណ្ដាល ត្រូវធ្វើការសិក្សា ជួសជុលផ្លូវនៅជុំវិញផ្សារតាខ្មៅចាស់ឡើងវិញ ។
លោក គួច ចំរើន បានបញ្ជាក់ថា ក្នុងបរិវេណផ្សារ គឺត្រូវសិក្សាជួសជុលផ្លូវឡើងវិញឱ្យបានស្អាត ដើម្បីធ្វើយ៉ាងណាឱ្យផ្សារមិនមាននូវការដក់ទឹកនារដូវវស្សា ដែលបង្កជាក្លិនមិនល្អ ដល់បងប្អូនអាជីវករពិសេសអ្នកទិញ។
ក្រៅពីនោះលោកបានណែនាំដល់អាជ្ញាធរក្រុង សង្កាត់ ត្រូវរៀបចំសណ្ដាប់ធ្នាប់ របៀបរៀបរយផ្សារនៅបរិវេណជុំវិញផ្សារ និងនៅក្នុងផ្សារឱ្យបានល្អ ៕
|