ACU រកឃើញថា បានសហការគ្នារត់ការបញ្ចូលចូលក្របខណ្ឌដោយខុសច្បាប់តាំងពីឆ្នាំ២០២៣ មកដល់ដើមខែឧសភា ឆ្នាំ២០២៤ ក្នុងនោះបានប្រព្រឹត្ត រត់ការចូលក្របខណ្ឌរដ្ឋ ការរត់ការចូលក្របខណ្ឌគ្រូបង្រៀន និងក្របខណ្ឌក្រសួងផ្សេងៗទៀត ការទទួលធ្វើសញ្ញាបត្រក្លែងគ្រប់ប្រភេទ ដូចជា សញ្ញាបត្របាក់ឌុប សញ្ញាបត្របរិញ្ញាបត្រ និងសញ្ញាបត្របរិញ្ញាបត្រជាន់ខ្ពស់ ជាដើម ក្នុងតម្លៃចាប់ពី ៤៥០ដុល្លារអាមេរិក ដល់ ១.៥០០ដុល្លារអាមេរិក។ ចំពោះការរត់ការចូលក្របខណ្ឌរដ្ឋវិញ ក៏យកតម្លៃចាប់ពី ១១.០០០ដុល្លារអាមេរិក ដល់ ១៦.០០០ដុល្លារអាមេរិក តាមប្រភេទក្របខណ្ឌផ្សេងៗគ្នា។

ជនសង្ស័យទាំង៣នាក់ក្នុងនោះមាន គ្រូបង្រៀន ២នាក់ ម្នាក់ ១.ឈ្មោះ នង រុន ភេទប្រុស អាយុ ៣៨ ឆ្នាំគ្រូបង្រៀនវិទ្យាល័យសុខអានព្រៃសណ្តែក ២. ស៊ុន ពេជ្រសុមាលី ភេទស្រីអាយុ ៤៣ ឆ្នាំ គ្រូបង្រៀននៅសាលាបឋមសិក្សាធន់មន់ ៣. ហ៊ុន ពិសិដ្ឋ ភេទប្រុស អាយុ ៣៥ ឆ្នាំ ជាអនុប្រធានការិយាល័យអភិវឌ្ឍន៍ក្រសួងផែនការ៕