កូនប្រុសពៅ នាយករដ្ឋមន្រ្តី ដណ្ដើមបានមេដាយមាស ផ្នែកគណិតវិទ្យា នៅអាស៊ី
ថ្ងៃទី ៖ 08-05-2024, ដោយ admin , 60 Views
ភ្នំពេញ : កូនប្រុសពៅ សម្ដេច ហ៊ុន ម៉ាណែត នាយករដ្ឋមន្រ្តីកម្ពុជា និងលោកជំទាវ ពេជ ច័ន្ទមុន្នី ដែលត្រូវជាចៅ សម្ដេចតេជោ ហ៊ុន សែន គឺ កុមារា ហ៊ុន ពេជមុនី រិទ្ធិសិទ្ធិ ដណ្ដើមបានមេដាយមាស ផ្នែកគណិតវិទ្យា នៅអាស៊ី ។ ដោយគិតមកទល់ពេលនេះដណ្ដើមបានមេដាយមាសចំនួន៤មកហើយ ។
យោងតាមសំណេរសម្ដេចមហាបវរធិបតី ហ៊ុន ម៉ាណែត បានសរសេរនៅលើបណ្ដាញសង្គម អបអរសាទរកូនប្រុស រិទ្ធិសិទ្ធិ ដែលទទួលបានមេដាយមាស ក្នុងការប្រឡងគណិតវិទ្យានៅអាស៊ី Singapore & Asian Schools Math Olympiad (SASMO) ឆ្នាំ ២០២៤។
សំណេរដដែលបានបញ្ជាក់ថា អ្វីដែលកាន់តែពិសេសនោះ គឺ រិទ្ធិសិទ្ធិ ទើបតែរៀនថ្នាក់មត្តេយ្យនៅឡើយ ប៉ុន្តែមានសមត្ថភាពប្រលងបានទទួលជ័យលាភី នូវវិញ្ញាសាសម្រាប់សិស្សថ្នាក់ទី១។ រិទ្ធិសិទ្ធិ ត្រូវបានអនុញ្ញាតអោយប្រលងវិញ្ញាសាថ្នាក់ទី១ (ទោះជានៅរៀនត្រឹមថ្នាក់មត្តេយ្យក៏ដោយ) ដោយសារគាត់ធ្លាប់បានទទួលមេដាយមាស ៤ដង ក្នុងការប្រលងគណិតវិទ្យា ក្នុងកម្មវិធីប្រលងអន្តរជាតិ Caribou Contest ដែលជាកម្មវិធីប្រលងគណិតវិទ្យាថ្នាក់អន្តរជាតិតាមប្រព័ន្ធអនឡាញផងដែរ។ «នេះជាថ្នាំប៉ូវកម្លាំងដ៏ពិសេស និងស័ក្តសិទ្ធិសម្រាប់ប៉ានិងម៉ាក់»៕
|