ថ្លែងក្នុងពិធីសម្ពោធ អគារសិក្សា និងសមិទ្ធផលនានានៅវិទ្យាល័យ ហ៊ុន សែន ប្រម៉ោយ ក្នុងស្រុកវាលវែង ខេត្តពោធិ៍សាត់ នាព្រឹកថ្ងៃទី១៧ ខែឧសភា នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រ សាសន៍ណែនាំឱ្យអាជ្ញាធរខិតខំបង្កើតការអភិវឌ្ឍរមណីដ្ឋានទេសចរណ៍ ទាំងការវិនិយោគ និងការអភិវឌ្ឍ របស់សហគមន៍នៅមូលដ្ឋាន ដើម្បីទាក់ទាញភ្ញៀវទេសចរទៅលេងខេត្តពោធិ៍សាត់ ជាពិសេសតំបន់វាល វែងកាន់តែច្រើនថែមទៀត។

សម្តេចមហាបវរធិបតី បានបញ្ជាក់ថា ការអភិវឌ្ឍរមណីដ្ឋានទេសចរណ៍ក្នុងស្រុកវាលវែង ខេត្តពោធិ៍សាត់នេះ គឺត្រូវរៀបចំឱ្យមានការអភិវឌ្ឍដោយផ្សារភ្ជាប់នឹងបរិស្ថាន។

សម្តេចមហាបវរធិបតី បន្ដថា វិស័យទេសចរណ៍ ជាប្រភពចំណូលដ៏សំខាន់សម្រាប់ជាតិ ដែលថវិការបស់ ភ្ញៀវទេសចរ មកលេងកម្សាន្តបានធ្លាក់ដល់ដៃប្រជាពលរដ្ឋដោយផ្ទាល់៕