យោងតាមរបាយការណ៍របស់ផែនការងារនគរបាលព្រហ្មទណ្ឌខេត្តតាកែវ នាថ្ងៃទី០១ ខែមេសា ឆ្នាំ២០២៥ បានឱ្យដឹងថា ១-បទល្មើសព្រហ្មទណ្ឌ÷ ០២លើក រួមមាន ថ្ងៃទី៣០ ខែមីនា ឆ្នាំ២០២៥ នៅលើដងផ្លូវលេខ១២៩ ស្ថិតក្នុងភូមិព្រៃឈើទាល ឃុំព្រៃផ្តៅ ស្រុកព្រៃកប្បាស ខេត្តតាកែវ មានករណី អំពើលួច(ឆក់កាបូបស្ពាយ)មិនបានសម្រេច កើតឡើង ជនសង្ស័យមានគ្នា០២នាក់÷ ទី១,ឈ្មោះ វី សាមឌី ភេទប្រុស អាយុ១៩ឆ្នាំ ស្រកកំណើតភូមិអន្លុងសាន ឃុំព្រែកស្ដី ស្រុកកោះធំ ខេត្តកណ្តាល បច្ចុប្បន្នស្នាក់នៅបន្ទប់ជួលសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ទី២,ឈ្មោះ ជា សាមឌី ភេទប្រុស អាយុ២៥ឆ្នាំ ស្រុកកំណើតភូមិព្រៃញាតិ ឃុំបាធាតុ ស្រុកកំពង់ត្របែក ខេត្តព្រៃវែង បច្ចុប្បន្នស្នាក់នៅភូមិសាមគ្គី សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ ជិះម៉ូតូមួយគ្រឿងម៉ាក ស៊ុស៊ូគីនិច2 ពណ៌ស សេរី២០២០ ពាក់ផ្លាកលេខ ភ្នំពេញ 1KI.5066 បានធ្វើសកម្មភាព ឆក់កាបូបស្ពាយតែមិនបានសម្រេច ពីជនរងគ្រោះម្នាក់មិនស្គាល់អត្តសញ្ញាណ ភេទស្រីជិះម៉ូតូមួយគ្រឿងម៉ាកហុងដាឌ្រីមពណ៌ខ្មៅ បណ្តាលអោយរងគ្រោះដួលម៉ូតូ ក៏បានប្រជាពលរដ្ឋដែលនៅក្បែរកន្លែងកើតហេតុមកជួយលើកជនរងគ្រោះ និងជិះម៉ូតូតាមជនសង្ស័យទាំងពីរ តែតាមមិនទាន់ក៏រាយការណ៍មកសមត្ថកិច្ច(គោលដៅប្រចាំការ២៤ម៉ោងសៃវ៉ា) ចំណែកជនរងគ្រោះក៏ជិះម៉ូតូបន្តដំណើរទៅបាត់ទៅ។

ក្រោយពីទទួលបានពត៌មាន មន្ត្រីនគរបាលយុត្តិធម៌ បានស្ទាក់ឃាត់បានជនសង្ស័យទាំង០២នាក់ខាងលើ យកមកដើម្បីសាកសួរ រួចជនសង្ស័យទាំងពីរនាក់បានសារភាពថាពិតជាបានឆក់ការបូបពីអ្នកដំណើរតែមិនបានសម្រេចនិងបណ្តាលអោយជនរងគ្រោះដួលម៉ូតូប្រាកដមែន បន្ទាប់កម្លាំងបានកសាងសំណុំរឿងតាមនីតិវិធី។

ដោយឡែកក្នុងករណីទី២ កាលពីថ្ងៃទី២៩ ខែមីនា ឆ្នាំ២០២៥ កម្លាំងជំនាញនគរបាលយុត្តិធម៌ នៃអធិការដ្ឋាននគរបាលស្រុកបាទី បានធ្វើការល្បាតក្នុងភូមិសាស្រ្តស្រុកបាទី ដល់ចំណុចភូមិពូនភ្នំ ឃុំលំពង់ ស្រុកបាទី ខេត្តតាកែវ ក៏ស្រាប់តែបានប្រទះឃើញមនុស្សចំនួន ០២នាក់ៈ ទី១/.ឈ្មោះ ហៃ ម៉េងហ័ង ភេទប្រុស អាយុ ៣២ឆ្នាំ មុខរបរមិនពិតប្រាកដ រស់នៅភូមិសង្កែ ឃុំត្រពាំងសាប ស្រុកបាទី ខេត្តតាកែវ(ជាមុខសញ្ញាប្រើប្រាស់ និងចែកចាយគ្រឿងញៀនយ៉ាងសកម្មក្នុងភូមិសាស្ត្រស្រុកបាទី) និងទី២/.ឈ្មោះ ម៉ី ម៉ន ភេទប្រុស អាយុ ២៦ឆ្នាំ មុខរបរមិនពិតប្រាកដ រស់នៅភូមិពូនភ្នំ ឃុំលំពង់ ស្រុកបាទី ខេត្តតាកែវ(ជាមុខសញ្ញាប្រើប្រាស់ និងចែកចាយគ្រឿងញៀនយ៉ាងសកម្មក្នុងភូមិសាស្ត្រឃុំលំពង់) គួរឱ្យសង្ស័យខណៈនោះកម្លាំងសមត្ថកិច្ចនគរបាលបានហៅឃាត់ដើម្បីសុំធ្វើការត្រួតពិនិត្យឆែកឆេរ ភ្លាមនោះជនសង្ស័យទាំង ០២នាក់ខាងលើមិនព្រមសហការព្យាយាមរត់គេចខ្លួន ប៉ុន្តែត្រូវបានកម្លាំងសមត្ថកិច្ចចាប់ខ្លួនបានម្នាក់មានឈ្មោះ ហៃ ម៉េងហ័ង និងបានឆែកឆេរត្រួតពិនិត្យរកឃើញវត្ថុតាងមានដូចជាៈ កាំភ្លើងខ្លី ម៉ាកឡុក១៧ជែន៥ ពណ៌ខ្មៅ លេខAHCH៦២០ ចំនួន ០១ដើម និងម្សៅក្រាមពណ៌សថ្លាសង្ស័យសារធាតុខុសច្បាប់ចំនួន ០៣កញ្ចប់តូច រីឯជនសង្ស័យឈ្មោះ ម៉ី ម៉ន រត់គេចខ្លួនបាត់ស្រមោល ។

ថ្ងៃខែឆ្នាំដដែល កម្លាំងជំនាញនគរបាលយុត្តិធម៌ បានឃាត់ខ្លួនជនសង្ស័យឈ្មោះ ហៃ ម៉េងហ័ង និងដកហូតវត្ថុតាងដែលបានរៀបរាប់ខាងលើយកមកអធិការដ្ឋាននគរបាលស្រុកបាទី ដើម្បីធ្វើការសាកសួរ ។ ជនសង្ស័យឈ្មោះ ហៃ ម៉េងហ័ង បានឆ្លើយសារភាពថា វត្ថុតាងកាំភ្លើងខ្លី ម៉ាកឡុក១៧ជែន៥ ពណ៌ខ្មៅ លេខAHCH៦២០ ចំនួន ០១ដើម និងម្សៅក្រាមពណ៌សថ្លាសង្ស័យសារធាតុខុសច្បាប់ចំនួន ០៣កញ្ចប់តូចខាងលើពិតជារបស់ខ្លួនពិតប្រាកដមែន ចំណែកឯកាំភ្លើងខ្លីដែលមានភិនភាគខាងលើគឺប្រើសម្រាប់ទុកបាញ់ការពារខ្លួនក្នុងពេលចល័តចែកចាយគ្រឿងញៀនទៅតាមគោលដៅនានា ចំណែកឯគ្រឿងញៀនដែលខ្លួនយកមកលក់ក្នុងភូមិសាស្ត្រស្រុកបាទីរាល់លើក រួមទាំងកាំភ្លើងខ្លីដែលប្រើប្រាស់សម្រាប់ទុកបាញ់ការពារខ្លួនក្នុងពេលចល័តចែកចាយគ្រឿងញៀនគឺជារបស់មេខ្លោងធំឈ្មោះ ពេជ្រ គីមឡុង ភេទប្រុស នៅឯខេត្តកំពង់ឆ្នាំងទាំងអស់ ។

កម្លាំងជំនាញនគរបាលយុត្តិធម៌ នៃអធិការដ្ឋាននគរបាលស្រុកបាទី បានបន្តឃាត់ជនសង្ស័យដែលជាប់ពាក់ព័ន្ធក្នុងករណីខាងលើបានជាបន្តបន្ទាប់ចំនួន ១៤នាក់បន្ថែមទៀត ទី១/.ឈ្មោះ ទីន សិទ្ធិ ហៅឈិត ភេទប្រុស អាយុ ៣០ឆ្នាំ មុខរបរមិនពិតប្រាកដ មានទីលំនៅភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ (ជាមុខសញ្ញាប្រើប្រាស់ចែកចាយគ្រឿងញៀនយ៉ាងសកម្មក្នុងភូមិសាស្ត្រស្រុកបាទី និងជាមុខសញ្ញាមានដីកាបង្គាប់ឱ្យចាប់ខ្លួនរបស់សាលាដំបូងខេត្តតាកែវ៕