យោងតាមប្រភពបណ្តាញអ្នកធ្វើការនៅប្រទេសថៃ ត្រូវបានផេក សង់ត្រាល់ ផ្សាយថា អគារកំពុងសាងសង់នៅថៃ ដែលបាក់រលំនោះ បណ្ដាលមកពីរញ្ជួយដី អាចនឹងមានពលករ កម្មករខ្មែរក្នុងចំណោមនោះច្រើននាក់។ ករណីនេះ កើតឡើងនៅ ថ្ងៃសុក្រទី២៨ ខែមីនាឆ្នាំ២០២៥ វេលាម៉ោងជិត២រសៀល។
ខណៈពេលនេះ ក្រុមការងារសង់ត្រាល់ ប្រចាំប្រទេសថៃ កំពុងស្រាវជ្រាវតាមដានព័ត៌មានច្បាស់ការបន្ថែមទៀត ទាក់ទិននឹងពលករខ្មែរ ដែលកំពុងធ្វើការក្នុងអាគារបាក់ស្រុត កំពស់៥០ជាន់ នាំឲ្យមានការខូចខាតទាំងស្រុង។
ជាមួយគ្នានេះ ប្រភពនៅប្រទេសថៃ បានអះអាងថា សូម្បីអគាររដ្ឋាភិបាល អគារសភាក៏មានភាពញ័រដែរ។ យោងប្រភពបន្ថែមថា ពលករដែលកំពុងធ្វើការទីនោះ ៣១៧នាក់ ក្នុងនោះ ៨០នាក់ ទាក់ទងមិនបាន ៕