ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47
រដ្ឋមន្រ្តីក្រសួងបរិស្ថានលើកទឹកចិត្តចំពោះការវិនិយោគ ដែលគិតគូលើភាពស្អាតរបស់កម្ពុជា
ថ្ងៃទី ៖ 18-03-2025, ដោយ​​ Dara007 , 47 Views
                     
ភ្នំពេញៈ រដ្ឋមន្រ្តីក្រសួងបរិស្ថានលើកទឹកចិត្តចំពោះការវិនិយោគ ដែលគិតគូលើភាពស្អាតរបស់កម្ពុជា ដើម្បីជួយឱ្យកម្ពុជាស្អាត កម្ពុជាមានភាពបៃតង និងមានការអភិវឌ្ឍប្រកបដោយចីរភាព។

ថ្លែងក្នុងជំនួបសម្តែងការគួរសម និងពិភាក្សាការងារជាមួយលោក Wang Bi’an នាយកប្រតិបត្តិក្រុមហ៊ុន Dongjiang Environmental Co., Ltd. នៅទីស្តីការក្រសួងបរិស្ថាន នាថ្ងៃទី១៨ ខែមីនា ឆ្នាំ២០២៥ លោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានបានថ្លែងស្វាគមន៍យ៉ាងកក់ក្តៅចំពោះលោក Wang Bi’an និងប្រតិភូអមក្រុមហ៊ុន Dongjiang Environmental Co., Ltd. ដែលមានបំណងធ្វើការវិនិយោគលើការគ្រប់គ្រងសំណល់ សំរាមគ្រោះថ្នាក់ និងសំរាមប្លាស្ទិក រួមជាមួយនឹងប្រព្រឹត្តិកម្មទឹក (water treatment) ជាចំណុចស្នូលនៃការងារអាទិភាពរបស់ក្រសួងបរិស្ថាន ដើម្បីទប់ស្កាត់ និងលុបបំបាត់ការបំពុលទៅក្នុងបរិយាកាស។

លោក Wang Bi’an នាយកប្រតិបត្តិក្រុមហ៊ុន Dongjiang Environmental Co., Ltd. បានថ្លែងអំណរគុណឯកឧត្តមរដ្ឋមន្រ្តីដែលបានលើកទឹកចិត្តឱ្យក្រុមហ៊ុន បានរួមចំណែកក្នុងយុទ្ធសាស្រ្តចក្រាវិស័យបរិស្ថាន ដើម្បីលើកកម្ពស់វិស័យបរិស្ថានកម្ពុជា ហើយតាមរយៈបទពិសោធន៍ជាង ២៥ឆ្នាំ ដែលផ្តោតលើសមត្ថភាពកែច្នៃកាកសំណល់គ្រោះថ្នាក់រហូតដល់ ២.៨ លានតោនក្នុងមួយឆ្នាំ និងមានបច្ចេកវិទ្យាទំនើបក្នុងការស្រាវជ្រាវ និងអភិវឌ្ឍន៍ ក្រុមហ៊ុនមានជំនឿថា នឹងរួមចំណែកក្នុងការអភិវឌ្ឍវិស័យបរិស្ថានប្រកបដោយនិរន្តរភាព។

លោករដ្ឋមន្រ្តី បានថ្លែងអំណរគុណ និងគាំទ្រចំពោះការវិនិយោគទាំងអស់ នៅកម្ពុជាដែលយកចិត្តទុកដាក់លើវិស័យបរិស្ថាន ជាពិសេសការកែច្នៃសំរាម សំណល់ប្លាស្ទិក ដើម្បីប្រើប្រាស់ឡើងវិញបាន ដែលនឹងអាចផ្តល់អត្ថប្រយោជន៍ជាច្រើនដល់ប្រជាជនកម្ពុជា និងមានបំណងចូលរួមជាមួយយុទ្ធនការនានារបស់ក្រសួងបរិស្ថាន ដើម្បីជួយឱ្យកម្ពុជាស្អាត កម្ពុជាមានភាពបៃតង និងមានការអភិវឌ្ឍប្រកបដោយចីរភាព៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
                     
        

Copyright @ 2017-2024, Campost.asia, campost2022@gmail.com