ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47
នាយករដ្ឋមន្រ្ដីបញ្ជាឱ្យក្រសួងទេសចរណ៍ និងក្រសួងវប្បធម៌ ធ្វើឱ្យកម្ពុជាក្លាយទៅជាគោលដៅទេសចរណ៍ភាពយន្ត
ថ្ងៃទី ៖ 27-02-2025, ដោយ​​ admin , 119 Views
                     
ភ្នំពេញ : សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ណែនាំឱ្យក្រសួងទេសចរណ៍ និងក្រសួងវប្បធម៌ ធ្វើឱ្យកម្ពុជាក្លាយទៅជាគោលដៅទេសចរណ៍ភាពយន្ត ដើម្បីផ្សព្វផ្សាយទេសចរណ៍កម្ពុជាទៅកាន់ពិភពលោក និងទាក់ទាញភ្ញៀវទេសចណ៍អន្ដរជាតិកម្សាន្ដកាន់តែច្រើន។

ថ្លែងក្នុងពិធីបិទសន្និបាតបូកសរុបលទ្ធផលការងារឆ្នាំ២០២៤ និងលើកទិសដៅ ការងារឆ្នាំ២០២៥ របស់ក្រសួងទេសចរណ៍ ដើម្បីផ្តល់អនុសាសន៍ ដឹកនាំតម្រង់ ទិសលើវិស័យទេសចរណ៍ក្នុងការបំពេញតួនាទី ភារកិច្ចរបស់ក្រសួង ឱ្យកាន់តែល្អប្រសើរ និងមាន ប្រសិទ្ធភាពបន្ថែមទៀត នៅរសៀលថ្ងៃទី ២៧ ខែកុម្ភៈ ឆ្នាំ២០២៥នេះ សម្តេចមហាបវរធិបតី ហ៊ុន ម៉ាណែត បានជំរុញឱ្យក្រសួងទេសចរណ៍ និងក្រសួងវប្បធម៌ ធ្វើឱ្យកម្ពុជាក្លាយទៅជាគោលដៅទេសចរណ៍ភាពយន្ត ដើម្បីធ្វើឱ្យទៅជាគោលដៅសម្រាប់ថតកុន រៀបកញ្ចប់សេវាល្អ និងការសម្របសម្រួលតម្លៃសមរម្យសម្រាប់ការអនុវត្តការងារនេះឱ្យបានល្អ។ ម្យ៉ាងវិញទៀត ត្រូវកែសម្រួលលក្ខខណ្ឌមួយចំនួន ដើម្បីប្រទេសនានាអាចចូលមកថតភាពយន្ត និងថតផ្សព្វផ្សាយពាណិជ្ជកម្មនៅកម្ពុជា ពិសេសតំបន់រមណី យដ្ឋានទេសចរណ៍ប្រវត្តិសាស្ត្រ ដើម្បីបង្កើនការទាក់ទាញទេសចរតាមរយៈភាពយន្ត និងការផ្សព្វ ផ្សាយពាណិជ្ជកម្មនានា។

ជាមួយគ្នានេះ សម្ដេចធិបតី បានលើកទឹកចិត្តដល់អ្នកបង្កើតមាតិកា យុវជន តារាសម្ដែង និងបណ្ដាញសារព័ត៌មាន បន្តចូលរួមផ្សព្វផ្សាយពីសក្តានុពលទេសចរណ៍របស់កម្ពុជាទៅកាន់ពិភពលោក។

សម្ដេចបានសម្ដែងការអរគុណ ដល់បងប្អូនប្រជាពលរដ្ឋដែលបានចូលរួមផ្សព្វផ្សាយពីវប្បធម៌ប្រពៃណីជាតិខ្មែរ និងតំបន់ទេសចរណ៍កម្ពុជាផងដែរ។ សម្ដេចធិបតីបានបញ្ជាក់ថា ប្រជាជនម្នាក់ គឺជាអ្នកផ្សាព្វផ្សាយទេសចរណ៍កម្ពុជាម្នាក់ ដើម្បីបង្កើនការផ្សព្វផ្សាយអំពីសក្តានុពលទេសចរណ៍របស់កម្ពុជាឱ្យកាន់តែទូលំទូលាយ។

ទន្ទឹមនឹងនេះ សម្ដេចធិបតី បានអំពាវនាវដល់គ្រប់ក្រសួងស្ថាប័នពាក់ព័ន្ធ និងវិស័យឯកជនត្រូវរួមកម្លាំងគ្នា ដើម្បីបង្កើនការទាក់ទាញទេសចរមកកម្សាន្តនៅប្រទេសកម្ពុជាកាន់តែច្រើន៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
                     
        

Copyright @ 2017-2024, Campost.asia, campost2022@gmail.com