campost.asia

ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47

មន្រ្ដីជាន់ខ្ពស់សួងកសិកម្ម ពិនិត្យស្ថានភាពទូទៅនៃវិស័យកសិកម្ម នៅតំបន់គោលដៅនៃគម្រោង « ស្តារ និងគ្រប់គ្រងស្ទឹងស្វាយចេក » ក្នុងខេត្តបន្ទាយមានជ័យ

ថ្ងៃទី ៖ 07-02-2025, ដោយ Dara007 , 62 Views

បន្ទាយមានជ័យៈ នៅថ្ងៃទី០៥ ខែកុម្ភៈ ឆ្នាំ ២០២៥ លោកបណ្ឌិត មាស ពិសិដ្ឋ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំក្រុមការងារបំពេញបេសកកម្ម នៅតំបន់គោលដៅនៃគម្រោង « ស្តារ និងគ្រប់គ្រងស្ទឹងស្វាយចេក » ដែលស្ថិតនៅក្នុងក្រុងសិរីសោភ័ណ ស្រុកស្វាយចេក និងស្រុកថ្មពួក នៃខេត្តបន្ទាយមានជ័យ ។

លោកបានបញ្ជាក់ថា គោលបំណងនៃបេសសកម្មនេះ ដើម្បីធ្វើការចុះពិនិត្យពីស្ថានភាពទូទៅនៃវិស័យកសិកម្ម ស្ថានភាព និងសមត្ថភាពរបស់ប្រព័ន្ធធារាសាស្ត្រក្នុងការទប់ស្កាត់គ្រោះទឹកជំនន់ ការរក្សាទឹក និងផ្គត់ផ្គង់ទឹក ហើយកំណត់កិច្ចអន្តរាគមន៍នានា ដែលគម្រោងគួរធ្វើជាបន្ទាន់ និងត្រូវធ្វើក្នុងរយៈពេលវែង ។

ជាលទ្ធផលដែលទទួលបានពីបេសកកម្មនេះ លោករដ្ឋលេខាធិការ និងក្រុមការងារចូលរួមទាំងអស់ បានសម្រេចទៅលើការពិចារណា នៅក្នុងការកសាងផែនការសកម្មភាព និងថវិកាសម្រាប់អនុវត្តន៍នៅក្នុងឆ្នាំ២០២៥ និងនៅឆ្នាំខាងមុខជាបន្តបន្ទាប់ទៀត៕