ក្នុងជំនួបពិភាក្សាការងារជាមួយ លោក ឡាវ វ៉ាន់ ប្រធានការិយាល័យការិយាល័យគ្រឹះស្ថានសិក្សា នៃគណៈកម្មាធិការអាហារូបករណ៍ អ.ម.ត នាព្រឹកថ្ងៃទី២១ ខែវិច្ឆិកា ឆ្នាំ២០២៤ លោស្រី Xu Jinping អនុប្រធានមន្ទីរអប់រំខេត្តអានហ៊ួយ សាធារណរដ្ឋប្រជាមានិតចិន ក្នុងឱកាសនៃជំនួបពិភាក្សានេះ លោក ប្រធានការិយាល័យ បាននាំនូវការផ្តាំផ្ញើសាកសួរសុខទុក្ខ និងប្រគល់លិខិតថ្លែងអំណរគុណពីសំណាក់លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានគណៈកម្មាធិការអាហារូបករណ៍សិស្ស-និស្សិតក្រីក្រសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងជាប្រធានសមាគមសិស្ស-និស្សិតអាហារូបករណ៍ អ.ម.ត ជូនដល់មន្ទីរអបរំខេត្តអានហ៊ួយ ក្នុងការចូលរួមចំណែកផ្តល់អាហារូបករណ៍ជូនគណៈកម្មាធិការអាហារូបករណ៍ អ.ម.ត កន្លងមក។

លោកស្រី បានកោតសរសើរ និងវាយតម្លៃខ្ពស់ចំពោះការសិក្សារបស់ និស្សិត អ.ម.ត ដែលកំពុងសិក្សានៅក្នុងខេត្តអានហ៊ួយ ជាមួយគ្នានោះ លោកស្រី ក៏បានលើកឡើងពីជំហក្នុងការប្តេជ្ញាចិត្តជួយបណ្តុះបណ្តាលនិស្សិតកម្ពុជាឱ្យទទួលបានជោគជ័យដើម្បីក្លាយជាធនធានមនុស្សដ៏មានសក្តានុពលក្នុងការរួមចំណែកអភិវឌ្ឍន៍ប្រទេសជាតិ។

លោកស្រីសង្ឃឹមថា ក្រោមការដឹកនាំដ៏ឈ្លៀសវៃប្រកបដោយចក្ខុវិស័យខ្ពស់របស់ លោកជំទាវបណ្ឌិត ពេជ ចន្ទមុន្នី ខេត្តអានហ៊ួយនឹងបន្តទទួលនិស្សិត អ.ម.ត មកសិក្សាកាន់តែច្រើនបន្ថែមទៀត តាមរយៈគណៈកម្មាធិការអាហារូបករណ៍ អ.ម.ត។

សូមគូសបញ្ជាក់ផងដែរថា គិតត្រឹមឆ្នាំ២០២៤ មាននិស្សិត អ.ម.ត ចំនួន ៦០ នាក់ កំពុងបន្តការសិក្សានៅក្នុងសាកលវិទ្យាល័យ នៃខេត្តអានហ៊ួយ៕