ប្រភពពីសមត្ថកិច្ចឲ្យដឹងថា៖ ករណីនេះនៅម៉ោងប្រមាណ១២រំលងអាធ្រាតឈានចូលថ្ងៃទី១៣ ខែវិច្ឆិកា ឆ្នាំ២០២៤  ខណៈកម្លាំងអន្តរាគមន៍អធិការដ្ឋាននគរបាលក្រុង បានចេញល្បាតមកដល់ចំណុចផ្លូវចូលផ្ទះលោកស្នងការស្ថិតក្នុងភូមិធម្មយុត្តិ សង្កាត់ប្អេរ ក្រុង/ខេត្តកំពង់ឆ្នាំង ក៏បានជួបជាមួយជនសង្ស័យ០២នាក់ សង្ស័យលួចវ៉ៃសត្វឆ្កែ និងសត្វឆ្មា  កម្លាំងយើងបានធ្វើការដេញតាមពីក្រោយរហូតមកដល់ចំណុចដីឡូត៍គេទុកចោលមួយកន្លែង ស្ថិតក្នុងភូមិ/សង្កាត់ ខាងលើជនសង្ស័យ ជនសង្ស័យទាំង០២នាក់បានផ្តួលម៉ូតូរត់គេចខ្លួន ប៉ុន្តែត្រូវសមត្ថកិច្ចឃាត់ខ្លួនបានម្នាក់ ឈ្មោះយុន ស៊ីឆាង  អាយុ២៥ឆ្នាំ ទីលំនៅភូមិអូរសណ្តាន់ ឃុំទឹកហូត ស្រុករលាប្អៀរ ខេត្តកំពង់ឆ្នាំង។

ក្រោយឃាត់ខ្លួន សមត្ថកិច្ច ដកហូតវត្ថុតាងរួមមាន៖ ម៉ូតូសង់កូរ៉េចាស់០១គ្រឿង , ដំបងឬស្សី០១ប្រវែង១.៤០ម៉ែត្រ  សត្វឆ្មា០៨ក្បាល ,ក្បាលកែវបំភ្លឺ០១។

ពាក់ព័ន្ធករណីនេះប្រជាពលរដ្ឋសន្និដ្ឋានថា ជនសង្ស័យខាងលើលួចវ៉ៃសត្វឆ្កែនឹងសត្វឆ្មា ដើម្បីយកតាំងលក់នៅតាមផ្លូវចំណុចភូមិអូរសណ្តាន់ ឃុំទឹកហូត ស្រុករលាប្អៀរ ដោយក្លែងបន្លំថាជាសត្វព្រៃ(ខ្លាត្រី)។ល៕