លោក អាសា បាននិយាយថា ពួកយើងមិនទទួលបានការចង្អុរបង្ហាញណាមួយថា នរណាម្នាក់ នៅរស់ពីការធ្លាក់យន្តហោះនេះទេ។
លោកបន្តថា ក្រុមការងារជួយសង្រ្គោះ កំពុងស្វែងរកតួយន្តហោះ ប៉ុន្តែពួកគេបានប្រទះឃើញបំណែកយន្តហោះចំនួន ៣ អណ្តែតកាន់តែឆ្ងាយទៅក្នុងមហាសមុទ្រអាត្លង់ទិក។
ដោយឡែក លោក ម៉ាតធូ បាអ៊ឺ កាពីទែនឆ្មាំសមុទ្រសហរដ្ឋអាមេរិក បាននិយាយប្រាប់ក្រុមអ្នកសារព័ត៌មានថា នាវាជាច្រើនគ្រឿង មកពីទីភ្នាក់ងារផ្សេងៗគ្នា កំពុងបន្តប្រតិបត្តិការរុករករបស់ពួកគេ។
នៅលើបណ្តាញសង្គម Twitter កាលពីយប់ថ្ងៃចន្ទ ក្រុមឆ្មាំសមុទ្រ បាននិយាយថា នាវាឆ្មាំសមុទ្រនឹងនៅបន្តកន្លែងកើតហេតុពេញមួយយប់។
បច្ចុប្បន្ន គណៈកម្មាធិការសុវត្ថិភាពដឹកជញ្ជូនជាតិអាមេរិក កំពុងស៊ើបអង្កេតពីមូលហេតុ ដែលនាំឲ្យធ្លាក់យន្តហោះមួយគ្រឿងនេះ៕