ប្រាប់អ្នកសារព័ត៌មានលោក ខូយ រីដា អភិបាលខេត្តពោធិ៍សាត់ និងជាប្រធានគណៈបញ្ជាការឯកភាពខេត្ត បានលើកឡើងថា នៅតំបន់អន្ទង់អាំងនេះ គឺមាន៣ ដំណាក់កាល ដោយដំណាក់កាលទី១ ចុះសម្របសម្រួលជាមួយប្រជាពលរដ្ឋ ទី២ ជូនដំណេឹងឱ្យពលរដ្ឋផ្លាស់ប្ដូរទីតាំង និងសម្រេចចិត្ដ និងទី៣ ទុកពេលឱ្យពួកគាត់រុះរើចេញដោយខ្លួនឯងនៅត្រឹមចុងខែសីហានេះតែម្ដង។

លោកបន្ដថា បច្ចុប្បន្ននេះ មានប្រជាពលរដ្ឋជាង៧០ ភាគរយបានព្រមធ្វើការផ្លាស់ប្ដូរតំបន់អន្ទង់អាំងនេះ និងសល់ត្រឹមតែជាង២០ ភាគរយទៀតមិនទាន់បានចាកចេញ ដែលតម្រូវឱ្យត្រូវចាកចេញត្រឹមចុងខែសីហានេះតែម្ដង។

លោកបានបញ្ជាក់ថា តំបន់អន្ទង់អាំងនេះ គឺជារបស់ជាតិ ហើយពលរដ្ឋមករស់ដោយខុសច្បាប់ ទើបរដ្ឋបាលខេត្ដស្នើសុំគោលការណ៍ពីរាជរដ្ឋាបាល ដើម្បីផ្លាស់ប្ដូរឱ្យប្រជាពលរដ្ឋទៅរស់នៅតំបន់អភិវឌ្ឍន៍ មានផ្លូវ ទឹក ភ្លើង សាលារៀន និងផ្សារជាដើម។

លោកបានបញ្ជាក់ទៀតថា ការផ្លាស់ប្ដូរឱ្យប្រជាពលរដ្ឋទៅរស់នៅតំបន់អភិវឌ្ឍន៍ គឺផ្ដល់ដីកម្មសិទ្ធិ និងទទួលបានសំណងផងដែរ៕