បើតាមរបាយការណ៍ ក្រុមជនសង្ស័យមានគ្នា ៣នាក់ (មិនស្គាល់អត្តសញ្ញណ) បានធ្វើសកម្មភាពជិះម៉ូតូម៉ាកហុងដាឌ្រីមសេ១២៥ សេរីឆ្នាំ២០២២ ពណ៍ខ្មៅ មិនស្គាល់ស្លាកលេខ ចំនួន០១ គ្រឿង បានចុះធ្វើសកម្មភាពយកដាវកាប់ទៅលើម៉ូតូម៉ាកហុងដាឌ្រីម សេ១២៥ សេរីឆ្នាំ២០២៣ ពណ៌ខ្មៅ ពាក់ស្លាកលេខ តាកែវ 1AC-1198 របស់ជនរងគ្រោះឈ្មោះវង់ សុវិជា ភេទប្រុស អាយុ១៥ឆ្នាំ មុខរបរ សិស្ស បច្ចុប្បន្នរស់នៅភូមិពោធិ៍ ឃុំព្រះបាទជាន់ជុំ ស្រុកគិរីវង់ ខេត្តតាកែវ បណ្តាលឲ្យខូចខាត បាត់ផ្នែកខាងក្រោយ (កន្ទុយម៉ូតូ) ។ក្រោយពីបានធ្វើភាពរួចក្រុមជនសង្ស័យខាងលើបានយកស្លាកលេខម៉ូតូរបស់ជនរងគ្រោះជិះគេចខ្លួនបាត់ទៅ ។

បច្ចុប្បន្នសមត្ថកិច្ចជំនាញកំពុងស្វែងរកក្រុមជនសង្ស័យខាងលើ ដើម្បីយកមកសាកសួរ និងកសាងសំណុំរឿងតាមនីតិវិធី ។ ហើយករណីនេះសមត្ថកិច្ចថា ជារឿងទំនាស់ក្មេងទំនើង ៕