បើតាមសេចក្ដីរាយការណ៍ លោកឧត្តមសេនីយ៍ទោ ម៉ែន លី ស្នងការនគរបាលខេត្តកំពង់ធំ នឹងត្រូវថ្នាក់លើផ្ទេរឱ្យមកកាន់តំណែងនៅខេត្តតាកែវ ជំនួសលោកឧត្តមសេនីយ៍ទោ ឈាង ផាន់ណារ៉ា ដែលត្រូវថ្នាក់លើដកឱ្យនៅអគ្គស្នងការដ្ឋាននគរបាលជាតិ ។ ការប្រកាសផ្ទេរផ្ទូតំណែងនេះនឹងត្រូវធ្វើឡើងនៅព្រឹកថ្ងៃទី៣១ ខែកក្កដា ។
សេចក្ដីរាយការណ៍ដដែលបន្តថា លោកឧត្តមសេនីយ៍ត្រី ហេង សុផល ស្នងការរងនគរបាលខេត្តកណ្តាល នឹងត្រូវដំឡើងជាស្នងការនគរបាលខេត្តកំពង់ធំ។ ការប្រកាសផ្ទេរផ្ទូតំណែងនេះនឹងត្រូវធ្វើឡើងនៅព្រឹកថ្ងៃទី៣០ ខែកក្កដា ក្រោមអធិបតីភាព នាយឧត្តមសេនីយ៍ ស ថេត អគ្គស្នងការនគរបាលជាតិ៕