ថ្លែងក្នុងវេទិកាទឹកស្អាត និងប្រតិបត្តិករផ្គត់ផ្គង់ទឹកស្អាត និងភាគីពាក់ព័ន្ធចូលរួមប្រមាណ៥០០នាក់ ក្នុងគោលបំណងរួមគ្នាដោះស្រាយបញ្ហាប្រឈមនានាក្នុងវិស័យផ្គត់ផ្គង់ទឹកស្អាត គ្រាដែលរាជរដ្ឋាភិបាលកំណត់យុទ្ធសាស្ត្រគ្រប់គ្រង និងអភិវឌ្ឍន៍វិស័យទឹកស្អាត ដែលមានសុវត្ថិភាព និងតម្លៃសមរម្យសម្រាប់ប្រជាជនទាំងអស់ត្រឹមឆ្នាំ២០៣០ នាថ្ងៃទី២៤ ខែកក្កដា ឆ្នាំ២០២៤ មានប្រសាសន៍ថា «ទឹកស្អាតនេះ រួមចំណែកជាសារវ័ន្តដល់ការសម្រេចបានគោលដៅឆ្នាំ២០៣០។ កន្លងមកយើងបានកំណត់ជាទិសដៅដែរថា ការផ្តល់សេវាទឹកស្អាត ត្រូវប្រកបដោយគុណភាព ត្រូវមានសុវត្ថិភាព និរន្តរភាព និងតម្លៃសមរម្យ។

គោលការណ៍ទាំង៤ ហើយការរួមចំណែករបស់ទឹកស្អាតនេះមិនត្រឹមតែរឿងប្រចាំថ្ងៃ មិនត្រឹមរឿងសេវាសុខភាពសាធារណៈប៉ុណ្ណោះទេ ប៉ុន្តែគឺជាកត្តាគន្លឹះមួយក្នុងការទាក់ទាញការវិនិយោគពីវិស័យឯកជន ទាំងជាតិ និងអន្តរជាតិ សម្រាប់បង្កើតគុណភាពផលិតកម្ម អាជីវកម្មនៅកម្ពុជា»។

គិតត្រឹមឆមាសទី១ ឆ្នាំ២០២៤នេះ តំណបណ្តាញផ្តត់ផ្គង់ទឹកស្អាតដែលទៅដល់ខ្នងផ្ទះគ្រួសាររបស់ប្រជាពលរដ្ឋ បានសម្រេចជាង១លាន៣៧ម៉ឺនតំណ ខណៈចំនួនគ្រួសារសរុបទូទាំងប្រទេសមានប្រមាណ៣លាន៥៥ម៉ឺនខ្នងផ្ទះ ដោយសន្មតថា ១តំណ ស្មើ១ខ្នងផ្ទះ គ្រាដែលក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានរៀបចំ និងការដាក់ចេញផែនការមេស្តីពីការផ្តត់ផ្គង់ទឹកស្អាត ដើម្បីសម្រេចបានគោលដៅផ្តត់ផ្គង់ទឹកស្អាត១០០ភាគរយ នៅឆ្នាំ២០៣០៕