មិនថាសារព័ត៌មាន CNN BBC AP Fox News ឬ Reuters នោះទេ ពួកគេតែងតែចាប់អារម្មណ៍ពីព្រឹត្តិការណ៍ដ៍ធំនៅសហរដ្ឋអាមេរិក នោះគឺ «អតីតប្រធានាធិបតីអាមេរិក គេប៉ងបាញ់សម្លាប់ នៅក្នុងចំណោមមហាជន» ក៍ប៉ុន្តែគេបែរជាឆ្ងល់ថា ហេតុអ្វី បានជាសារព័ត៌មានខ្មែរដែលមានទីតាំងនៅសហរដ្ឋអាមេរិក ធ្លាប់តែរិះគន់រដ្ឋាភិបាលខ្លួនមិនសំចៃមាត់ បែរជាមិនឃើញផ្សព្វផ្សាយរឿងអសន្តិសុខប្រទេសនៅសហរដ្ឋអាមេរិក ដែលអតីតប្រធានាធិបតីអាមេរិក លោក ដូរ ណាល់ត្រាំ គេប៉ងបាញ់សម្លាប់ ។ ថាតើសារព័ត៌មានខ្មែរនៅសហរដ្ឋអាមេរិក ដែលមិនចាប់អារម្មណ៍រឿងអតីតប្រធានាធិបតីអាមេរិក គេប៉ងបាញ់សម្លាប់នោះ ជានរណា ?
សារព័ត៌មាន អាស៊ីសេរី និងសារព័ត៌មាន ខេមបូឌាដេលី ដែលមានទីតាំងនៅសហរដ្ឋអាមេរិក ជារឿយៗតែងតែរិះគន់ និងចោទរដ្ឋាភិបាលកម្ពុជា ជាបន្តបន្ទាប់ បើទោះរឿងវិជ្ជមានច្រើន ឬរឿងអវិជ្ជនានតិចក៍ដោយ ហើយសារព័ត៌មានទាំងនេះតែងភ្ជាប់រឿងទៅនយោបាយ សន្តិសុខជាតិ ឬបក្ខពួកនិយម ក៍ប៉ុន្តែសារព័ត៌មានទាំងនេះមិនបានរំលេចរឿងអវិជ្ជមាននៅលើទឹកដីសហរដ្ឋអាមេរិកឡើយ ។ ជាក់ស្ដែងដូចជារឿង «អតីតប្រធានាធិបតីអាមេរិក គេប៉ងបាញ់សម្លាប់ នៅក្នុងចំណោមមហាជន»ជាដើម ៕