លោក អ៊ុំ ប៊ុនរ៉េត ចាប់ផ្តើមដំណើរដ៏អស្ចារ្យពីទីក្រុង Munich ដែលជាទីស្នាក់ការកណ្តាល នៃក្រុមហ៊ុន BMW និង BMW Motorrad Days ដោយជិះតែម្នាក់ឯង មកដល់ រាជធានីភ្នំពេញ ព្រះរាជាណាចក្រកម្ពុជា។ ការជិះដ៏អស្ចារ្យនេះ ចាប់ផ្តើមនៅថ្ងៃទី០៥ ខែកក្កដា វេលាម៉ោង ៧ ព្រឹក នឹងបញ្ចប់នៅ រាជធានីភ្នំពេញ នៅថ្ងៃទី២៥ ខែតុលា ឆ្នាំ២០២៤។ ការធ្វើដំណើរនេះ មិនត្រឹមតែជានិមិត្តរូបនៃទំនាក់ទំនងប្រវត្តិសាស្ត្រ និងវប្បធម៌ដ៏រឹងមាំរវាងប្រទេសអាឡឺម៉ង់ និងកម្ពុជាប៉ុណ្ណោះទេ ប៉ុន្តែក៏មានគោលបំណងជួយដល់មូលនិធិគន្ធបុប្ផា ដែលផ្តល់ការថែទាំសុខភាពដោយឥតគិតថ្លៃដល់កុមាររាប់លាននាក់ក្នុងប្រទេសកម្ពុជាផងដែរ។
លើសពីនេះ ការជិះនេះមានគោលបំណងដើម្បីលើកស្ទួយព្រះរាជាណាចក្រកម្ពុជា ជាប្រទេសដែលពោរពេញទៅដោយក្តីស្រលាញ់ និងរួសរាយរាក់ទាក់ បើកចំហសម្រាប់ទេសចរណ៍មកពីអឺរ៉ុប និងពិភពលោក៕