ថ្លែងក្នុងពិធីប្រគល់សញ្ញាបត្រជូននិស្សិត សាកលវិទ្យាល័យលីមកុកវីង ៥៤០នាក់ នាព្រឹកថ្ងៃទី១៣ ខែមិថុនា ឆ្នាំ២០២៤ សម្តេចធិបតី ហ៊ុន ម៉ាណែត បានមានប្រសាសន៍ថា ការដឹកនាំ ការកសាងប្រទេស គឺត្រូវការធនធានមនុស្សដែលរស់រវើក ខណៈធនធានមនុស្សជាទ្រព្យដែលសំខាន់បំផុតសម្រាប់ប្រទេសជាតិ ដែលអាចឱ្យប្រទេសអភិវឌ្ឍន៍រីកចម្រើនដោយនិរន្តរភាពនិងចីរភាព។

សម្តេចធិបតី ហ៊ុន ម៉ាណែត បានបន្តថា និរន្តរភាពនិងចីរភាព មនុស្សខុសពីសម្ភារៈ ឧបករណ៍ ដូចជាកុំព្យូទ័រឆ្លាតយ៉ាងណាក៏ដោយ មិនអាចអភិវឌ្ឍន៍ខ្លួនឯងបានទេ ទោះបីជាពូកែគិតប៉ុន្តែមានកម្រិតត្រឹមប្រូក្រាមដែលគេធ្វើឱ្យតែប៉ុណ្ណោះ។ចំពោះមនុស្សវិញ គឺវិវឌ្ឍន៍ជាប្រចាំ ព្រោះសមត្ថភាពក្នុងការធ្វើទំនើបកម្មនិងរៀនអភិវឌ្ឍន៍ខ្លួនឯងជាប់ជាប្រចាំ។

សម្តេចធិបតី ហ៊ុន ម៉ាណែត បានបញ្ជាក់ថា ភាពជោគជ័យនៃការរីកចម្រើនរបស់ប្រទេសជាតិប្រកបដោយនិរន្តរភាព សំខាន់ណាស់ត្រូវតែមានធនធានមនុស្សប្រកបដោយសក្តានុពល ពីព្រោះសមត្ថភាពជំនាញរបស់ប្រជាពលរដ្ឋម្នាក់ៗ៕