ក្នុងពិធីពិសាអាហារពេលល្ងាច នៅនិវេសនដ្ឋាននៃស្ថានទូតជប៉ុនប្រចាំកម្ពុជា នារាត្រី ថ្ងៃទី២៤ ខែមេសា ជាមួយ លោក អ៊ីណូ អាត់ស៊ុស៊ី (Ueno Atsushi) ឯកអគ្គរាជទូតជប៉ុនប្រចាំសម្តេចរដ្ឋសភាធិបតី បានបញ្ជាក់ថា ការអភិវឌ្ឍរបស់កម្ពុជាគ្រប់វិស័យមកទល់ សព្វថ្ងៃនេះ មិនអាចកាត់ផ្តាច់ពីការជួយឧបត្ថម្ភ ជ្រោមជ្រែង និងគាំទ្រដ៏ធំធេងនិងមានតម្លៃពីមិត្តជប៉ុនបាន ឡើយ រាប់ទាំងជំនួយផ្នែកហិរញ្ញវត្ថុ ហេដ្ឋារចនាសម្ព័ន្ធ បច្ចេកទេស និងធនធានមនុស្ស ជាដើម។

សម្តេចរដ្ឋសភាធិបតី បានបន្តថា កម្ពុជា-ជប៉ុន មានទំនាក់ទំនង និងកិច្ចសហប្រតិបត្តិការជិតស្និទ្ធ ជាមួយគ្នាជាយូរមកហើយ ហើយចំណងការទូតនេះ ត្រូវបានថ្នាក់ដឹកនាំប្រទេសទាំងពីរបន្តថែរក្សា និង លើកកម្ពស់តាំងពីសម័យ ព្រះបាទនរោត្តមសីហនុ «ព្រះបរមរតនកោដ្ឋ» សម្តេចតេជោ ហ៊ុន សែន អតីតនាយករដ្ឋមន្រ្តីនៃព្រះរាជាណាចក្រកម្ពុជា ជាមួយនិងព្រះចៅអធិរាជជប៉ុន នាយករដ្ឋមន្រ្តី និងថ្នាក់ដឹកនាំជប៉ុនគ្រប់រូប រហូតដល់ពេលបច្ចុប្បន្ន។

លោក ឯកអគ្គរាជទូត បានអបអរសាទរចំពោះវឌ្ឍនភាពនៃការរីកចម្រើនគ្រប់វិស័យរបស់កម្ពុជា ចាប់តាំងពីដំណាក់កាលចរចាស្វែងរកសន្តិភាព រហូតដល់ដំណើរការស្តារប្រទេសកម្ពុជាឡើងវិញ បន្ទាប់ពីសង្រ្គាមស៊ីវិល រហូតទទួលបានសុខសន្តិភាព ស្ថិរភាពនយោបាយនិងការអភិវឌ្ឍដូចសព្វថ្ងៃ៕