យោងទៅតាមរបាយការណ៍ សង្រ្កាន្តឆ្នាំថ្មី ប្រពៃណីជាតិខ្មែរ ឆ្នាំរោងនេះ ប្រជាពលរដ្ឋដើរលេងកម្សាន្តក្នុងប្រទេសមានចំនួនកើនឡើងជាងឆ្នាំមុន ។ ក្នុងចំណោមប្រជាពលរដ្ឋដែលបានដើរលេងកម្សាន្តតាមបណ្ដាខេត្ត មានពលរដ្ឋប្រមាណ ៣០% ស្នាក់នៅលើសពីមួយយប់ឡើង ។

របាយការណ៍បានបញ្ជាក់ទៀតថា ចំនួនភ្ញៀវទាំងជាង ២១ លាននាក់នេះ គឺរដ្ឋបាលរាជធានីខេត្ត រាប់បញ្ចូលចំនួនភ្ញៀវទេសចរដែលធ្វើដំណើរកម្សាន្តនៅតាមរមណីយដ្ឋាន និងគោលដៅទេសចរណ៍ទូទាំងប្រទេស ចំនួនបងប្អូនប្រជាជនដែលបានចូលរួមលេងកម្សាន្តនៅតាមទីតាំងដែលមានការរៀបចំកម្មវិធីសង្រ្កាន្ត ព្រមជាមួយបងប្អូនប្រជាពលរដ្ឋដែលលេងកម្សាន្តនៅតាមភូមិស្រុក និងកន្លែងជួបជុំនានា។ ប៉ុន្តែសម្រាប់កាលឆ្នាំ២០២៣វិញ រយៈពេល៣ថ្ងៃ មានប្រជាពលរដ្ឋដើរលេងកម្សាន្តប្រមាណ ១៣,១៣ លាននាក់ ប៉ុណ្ណោះ ។

សូមបញ្ជាក់ថា ខេត្ដដែលមានភ្ញៀវទេសចរច្រើនជាងគេ គឺខេត្ដកំពង់ចាម បន្ទាប់មកគឺខេត្តកំពង់ស្ពឺ ភ្នំពេញ កណ្ដាល សៀមរាប និងខេត្ដព្រះសីហនុជាដើម ៕