បើតាមលើកឡើងពីក្រុមការងារសម្អាតមកពីមន្ទីរសាធារណៈការ និងដឹកជញ្ជូនរាជធានីភ្នំពេញ នៅថ្ងៃទី១៧ ខែមេសានេះ បានប្រាប់ឱ្យដឹងថា ចាប់តាំងពីថ្ងៃចូលឆ្នាំខ្មែរ រហូតដល់ថ្ងៃបញ្ចប់ គឺក្រុមការងារទទួលបន្ទុកបាញ់ទឹកសម្អាតនៅរមណីដ្ឋានវត្តភ្នំ បានបាញ់ទឹកសម្អាតជាប់ជារៀងរាល់ថ្ងៃ ក្រោយពេលភ្ញៀវទេសចរ ទាំងជាតិ និងអន្តរជាតិត្រលប់ទៅផ្ទះវិញ បន្ទាប់ពីឈប់លេងបាញ់ទឹក និងរាំលេងកំសាន្តជាដើម។
ពលរដ្ឋយល់ឃើញថា អំឡុងពេលបុណ្យចូលឆ្នាំថ្មី ប្រពៃណីជាតិ នៅឆ្នាំនេះ ការៀបចំសម្អាត អនាម័យ នៅរមណីដ្ឋានវត្តភ្នំពញ បានស្អាត ដោយឃើញមានការចូលរួមពីគ្រប់ភាគីពាក់ព័ន្ធ។ ម្យ៉ាងវិញទៀត ប្រជាពលរដ្ឋភាគច្រើន ក៍បានយល់ដឹងពីការចូលរួមលើកកម្ពស់សោភ័ណភាពបរិស្ថានផងដែរ។
ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ដែលមានរយៈពេល៤ថ្ងៃ ចាប់ពីថ្ងៃទី១៣ ដល់ថ្ងៃទី១៧ ខែមេសា ឆ្នាំ២០២៤នេះ មានភ្ញៀវទេសចរ និងប្រជាពលរដ្ឋទៅទស្សនា និងលេងកម្សាន្តនៅសង្ក្រាន្តវត្តភ្នំ ប្រមាណ ១លាន ៣សែននាក់។ នេះបើតាមអ្នកនាំពាក្យរដ្ឋបាលរាជធានីភ្នំពេញ៕