យោងតាមរបាយការណ៍ពីអាជា្ញធរ ខេត្តព្រះសីហនុ រយៈពេល ៤ថ្ងៃ ក្នុងពិធីបុណ្យចូលឆ្នាំខ្មែរ មានភ្ញៀវទេសចរសរុប៦៤៩.០៥២នាក់ ( ភ្ញៀវទេសចរប្រមាណ ៦០ %) ថយចុះ២៦,៨៩% បើធៀបនឹងឆ្នាំ ២០២៣ ក្នុងនោះ - ភ្ញៀវជាតិ ៦២៩.៦៣១នាក់ ថយចុះ២៨,១១%ធៀបនឹងឆ្នាំ ២០២៣ ។
របាយការណ៍ការណ៍បានបញ្ជាក់ទៀតថា ក្រៅពីភ្ញៀវទេសចរជាតិ គឺមានភ្ញៀបរទេស ចំនួន ១៩.៤២១ នាក់ កើនឡើង៦២,៣១%ធៀបនឹងឆ្នាំ ២០២៣ ។ សម្រាប់ភ្ញៀវចូលតាមព្រលានយន្តហោះអន្តរជាតិចំនួន០៨ជើង កើនឡើង ០២ជើង សរុប ៣៨៤នាក់ កើនឡើង៣៣,៧៩% ធៀបនឹងឆ្នាំ ២០២៣ ក្នុងនោះភ្ញៀវជាតិ ០៨នាក់ ថយចុះ១១,១១% ធៀបនឹងឆ្នាំ ២០២៣ ភ្ញៀវអន្តរជាតិ៣៧៦នាក់ កើនឡើង៣៥,២៥% ធៀបនឹងឆ្នាំ ២០២៣ ។ ដោយឡែកសម្រាប់ភ្ញៀវទៅសម្រាកកំសាន្តតាមបណ្តាកោះនានសរុប៣.៨៣១នាក់ ថយចុះ៤,៥១% ធៀបនឹងឆ្នាំ ២០២៣ ក្នុងនោះ ភ្ញៀវជាតិ១.៨៣៦នាក់ ថយចុះ២៤,៥៦% ធៀបនឹងឆ្នាំ ២០២៣ ភ្ញៀវបរទេស១.៩៩៥នាក់ កើនឡើង២៦,៤២%ធៀបនឹងឆ្នាំ ២០២៣ ។
របាយការណ៍បានរំលេចថា នៅតាមបណ្តារមណីយដ្ឋាន និងឆ្នេរនានាមានភ្ញៀវសរុប៦៤៤.៨៣៧នាក់ ថយចុះ២៧,០២%ធៀបនឹងឆ្នាំ ២០២៣ ក្នុងនោះ ភ្ញៀវជាតិ៦២៧.៧៨៧នាក់ ថយចុះ២៨,១២%ធៀបនឹងឆ្នាំ ២០២៣ និងភ្ញៀវបរទេស១៧.០៥០នាក់ កើនឡើង៦៨,៦៦%ធៀបនឹងឆ្នាំ ២០២៣ ៕