លោក ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម បានមានប្រសាសន៍ថា ទាក់ទងផ្នែកហេដ្ឋារចនាសម្ព័ន្ធរូបវន្តត្រឹមឆ្នាំ២០២៣ កម្ពុជាមានប្រព័ន្ធស្រោចស្រពទូទាំង២៥ រាជធានី/ខេត្ត ចំនួន២,៣៥២ ក្នុងនោះប្រព័ន្ធខ្នាតធំចំនួន៥៦ ខ្នាតមធ្យមចំនួន ១,១៦៦ និងខ្នាតតូចចំនួន ១, ១២២ និងអាងរក្សាទឹកខ្នាតធំចំនួន៨។ លោកថា ចំពោះការងារស្ថាបនា និងជួសជុលប្រព័ន្ធធារាស្ត្រ ក្រសួងបានជួសជុលស្ថាបនាប្រព័ន្ធធារាសាស្ត្របានចំនួន១៥គម្រោង ពង្រីកសក្តានុពលប្រព័ន្ធធារាសាស្ត្រ បានចំនួន៤គម្រោង ស្ថាបនាប្រព័ន្ធធារាសាស្ត្រថ្មីបានចំនួន១៥គម្រោង ខណៈដែលតាមអនុសាសន៍ថ្នាក់ដឹកនាំក្រសួងក៏បានអនុវត្តន៍គម្រោងជួសជុល និងស្ថាបនាចំនួន៤គម្រោងបន្ថែមទៀត ដែលមិនស្ថិតក្នុងផែនការការងារក្នុងឆ្នាំ២០២៣ផងដែរ។

លោក បានបន្តថា ចំពោះការងារថែទាំប្រព័ន្ធធារាសាស្ត្រ អនុវត្តន៍លើការថែទាំប្រព័ន្ធធារាសាស្ត្របានសរុបចំនួន២១៦ប្រព័ន្ធ ការថែទាំជាប្រចាំប្រព័ន្ធធារាសាស្ត្រខ្នាតធំបានចំនួន១១ប្រព័ន្ធ ការងារថែទាំជាចាំប្រព័ន្ធធារាសាស្ត្រខ្នាតមធ្យម ចំនួន១៦៨ប្រព័ន្ធ ការងារថែទាំខួបប្រព័ន្ធធារាសាស្ត្របានចំនួន៦ប្រព័ន្ធ ការងារជួសជុលបន្ទាន់ប្រព័ន្ធធារាសាស្ត្របានចំនួន៣១ប្រព័ន្ធ។ ជាលទ្ធផលរួម គិតរហូតមកដល់បច្ចុប្បន្ននេះ ក្រសួងបានបង្កើនលទ្ធភាពស្រោចស្រពលើផ្ទៃដីសរុប នៅទូទាំងប្រទេសបានចំនួន ១៩៤៣,៩៩២ហិកតា ដែលមានកំណើនចំនួន ៣២,១២៣ហិកតា ដែលមានប្រជាពលរដ្ឋជាអ្នកទទួលផលសរុបចំនួន ២៩,៨០០គ្រួសារ ស្មើនឹង ១២៧,៨៩៥នាក់ ។

រដ្ឋមន្ត្រីក្រសួងធនធានទឹកនិងឧតុនិយម បានឱ្យដឹងទៀតថា ចំពោះការងារអន្តរាគមន៍បូមទឹកសង្រ្គោះស្រូវពេលជួបគ្រោះរាំងស្ងួតនិងទឹកជំនន់ ក្រសួងបានដោះស្រាយចំនួន ៧០៤២៥ហិកតា ការងារនិងជួសជុលថែទាំ បូមទឹកចល័តមានចំនួន២៤គ្រឿង ចំពោះការងារកសិករប្រើប្រាស់ទឹកត្រឹមឆ្នាំ២០២៣នេះ កម្ពុជាមានសហគមន៍កសិករប្រើប្រាស់ទឹកចំនួន៥៦០កន្លែង ដែលគ្របដណ្តប់លើផ្ទៃដី២៤០៥ហិកតា និងស្រូវប្រាំងចំនួន ២៧២០៣ហិកតា។

លោកបានបន្ថែមថា ដើម្បីកាត់បន្ថយការគំរាមកំហែងពីគ្រោះទឹកជំនន់ ក្រសួងបានជួសជុលទំនប់ទប់ស្កាត់ទឹកជំនន់ កាយប្រឡាយរំដោះទឹក ការពារច្រាំងទន្លេបានជិត៧ពាន់ម៉ែត្រ (៦ ៨២០ម៉ែត្រ) សាងសង់ទំនប់ការពារទប់ស្កាត់ទឹកប្រៃ និងជាពិសេសដំណើរការអនុវត្តគម្រោងប្រព័ន្ធដោះទឹកនិងបង្វែរទឹកចេញពីភូមិសាស្រ្តរាជធានីភ្នំពេញ និងខេត្តកណ្តាលផង