ចាប់តាំងពីកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងគ្រួសារងាយរងហានិភ័យ១,៥ លាននាក់ ត្រូវបានបើកបវេសនកាលកាលពីថ្ងៃទី១៥ ខែមីនា ឆ្នាំ២០២៤ កន្លងទៅ សិក្ខាកាមបាននិងកំពុងសិក្សាជំនាញវិជ្ជាជីវៈវគ្គទី១បានជាង៣ខែដោយរលូនលើវិស័យចំនួន១០ និង៣៨មុខជំនាញ ព្រមទាំងបាន និងកំពុងចុះកម្មសិក្សាតាមរោងចកហរ សហគ្រាសដើម្បីអនុវត្តការងារជាក់ស្តែងបន្ថែមលើមេរៀនដែលបានសិក្សា។

សូមរំលឹកថា កាលពីថ្ងៃទី១៤ ខែវិច្ឆិកាឆ្នាំ២០២៣កន្លងទៅ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានប្រកាសឱ្យអនុវត្តកម្មវិធីបណ្តុះបណ្តាលជំនាញបច្ចេកទេសវិជ្ជាជីវៈដល់យុវជនមកពីគ្រួសារក្រីក្រ និងងាយរងហានិភ័យចំនួន១.៥លាននាក់ដើម្បីផ្តល់ជំនាញបច្ចេកទេសវិជ្ជាជីវៈដល់យុវជនកម្ពុជាឱ្យមានការងារសមរម្យដើម្បីលើកកម្ពស់ជីវភាពគ្រួសារឱ្យកាន់តែប្រសើរបន្ថែមទៀត។

យន្តការនេះ ក៏ជាយុទ្ធសាស្ត្រដើម្បីប្រែក្លាយកម្ពុជាទៅប្រជាប្រទេសដែលមានសេដ្ឋកិច្ចពឹងផ្អែកលើកម្លាំងការងារដែលមានជំនាញ៕