ជនសង្ស័យ មានឈ្មោះ ង្វៀង ចាំងងី មានអាយុ ៦៣ឆ្នាំ មុខរបរនៅផ្ទះ ជាជនជាតិវៀតណាម ស្នាក់នៅស្ថិតនៅផ្លូវបេតុង ភូមិ១៦ សង្កាត់ស្រះចក ខណ្ឌដូនពេញ។ ចំណែកកុមារីរងគ្រោះ មានអាយុទើបតែ ៨ឆ្នាំតែប៉ុណ្ណោះ ។ គួរបញ្ជាក់ផងដែរ វេលាម៉ោង ០៦ល្ងាច ថ្ងៃទី១១ ខែកញ្ញា ឆ្នាំ២០២៣ មានលោកតាចំណាស់ម្នាក់ យកជំពាមកៅស៊ូ បាញ់ ទៅលើកុមារីម្នាក់ចំផ្ទៃមុខ ខណៈរូបនាងកំពុងលេងជាមួយក្មេងៗដទៃទៀត ស្ថិតនៅផ្លូវបេតុង ភូមិ១៦ សង្កាត់ស្រះចក ខណ្ឌដូនពេញ ។
បើតាមប្រភពព័ត៌មានពីសាច់ញាត្តិរបស់កុមារីរងគ្រោះបានបញ្ជាក់អោយដឹងថា នាពេលកន្លងទៅ ប្រមាណ៥-៦ខែមុន កូនស្រីរបស់គាត់បានធ្លាប់លេងជាមួយចៅរបស់ លោកតាជាជនសង្ស័យ ហើយក៏មានការឈ្លោះគ្នាតែមិនមានបង្កអោយរបួសស្នាមអ្វីឡើយ ។
គាត់បានបន្ថែមទៀតថា លុះមកដល់ថ្ងៃកើតហេតុ កូនស្រីរបស់គាត់បាន ជិះកង់ស្គីជាមួយក្មេងៗ ជាធម្មតា និងបានជិះកាត់ខាងមុខផ្ទះរបស់ ជនបង្កទើបធ្វើអោយជនបង្ក មានការគុំគួននិងរឿង ពេលកន្លងទៅផង ទើបយកជំពាមកៅស៊ូ នឹងដាក់គ្រាប់ដែក ធ្វើសកម្មភាពបាញ់ទៅលើ ក្មេងស្រីរងគ្រោះ ចំនួន០៤លើក ទើបបាញ់ចំផ្ទៃមុខក្មេងស្រី សំណាងល្អត្រូវខាងក្រោមភ្នែក ។
ក្រោយកើតហេតុ អាណាព្យាបាលរបស់កុមារីខាងលើ បានរាយការណ៍ និងដាក់ពាក្យបណ្តឹងទៅកម្លាំងអធិការដ្ឋាននគរបាលខណ្ឌដូនពេញ ។ បច្ចុប្បន្ន បុរសចំណាស់ ជាជនសង្ស័យត្រូវបានសមត្ថកិច្ចឃាត់ខ្លួន យកមកអធិការដ្ឋាននគរបាលខណ្ឌដូនពេញ ដើម្បីសួរនាំ និងកសាងសំណុំរឿង ចាត់ការតាមនីតិវិធី៕