នាយករដ្ឋមន្រ្តីកម្ពុជា សម្ដេចធិបតី ហ៊ុន ម៉ាណែត ដឹកនាំគណៈប្រតិភូរាជរដ្ឋាភិបាលកម្ពុជា មកដល់អាកាសយានដ្ឋានអន្តរជាតិ Newark Liberty ទីក្រុងញូវយ៉ក សហរដ្ឋអាមេរិក ប្រកបដោយសុវត្ថិភាព និងបានទទួលស្វាគមន៍ដោយ លោកស្រី អ៊ាត សុភា តំណាងអចិន្ត្រៃយ៍កម្ពុជា នៅអង្គការសហប្រជាជាតិ ទីក្រុងញូវយ៉ក សហរដ្ឋអាមេរិក ល្ងាចថ្ងៃព្រហស្បតិ៍ ទី២១ កញ្ញា ២០២៣ ៕
ហេតុអ្វីអាមេរិក ដំឡើងពន្ធលើទំនិញចិន ជារឿងត្រឹមត្រូវ ចំណែកចិនដំឡើងពន្ធលើទំនិញអាមេរិកជាការខុសច្បាប់
ថ្ងៃទី ៖ 19-08-2023, ដោយ​​ admin , 78 Views
               
បរទេស : កន្លងមក ក្រុមអ្នកវិភាគឯករាជ្យបានលើកឡើងថា រាល់អង្គការស្ថាប័នធំៗ របស់ពីភពលោក គឺធ្វើសកម្មភាពដើម្បីការពារ ប្រទេសមហាអំណាច លោកខាងលិច អាមេរិក និងសម្ព័ន្ធមិត្តតែប៉ុណ្ណោះ ។ ពេលនេះ អង្គការ WTO សម្រេចថា ការដំឡើងពន្ធរបស់ចិនលើទំនិញនាំចូលពីអាមេរិកមិនស្របច្បាប់ ។

សារព័ត៌មានរ៉យទ័រ ក្រុមដោះស្រាយវិវាទរបស់អង្គការពាណិជ្ជកម្មពិភពលោក (WTO) បានរកឃើញកាលពីថ្ងៃ១៧ខែសីហាថា ចិនបានធ្វើសកម្មភាពមិនស្របតាមកាតព្វកិច្ចរបស់ខ្លួនចំពោះអង្គការ WTOដោយបានដំឡើងពន្ធបន្ថែមលើទំនិញនាំចូលមួយចំនួនពីសហរដ្ឋអាមេរិក ដើម្បីឆ្លើយតបទៅនឹងពន្ធដែលអាមេរិកបានដកហូតលើដែកថែបនិងអាលុយមីញ៉ូមរបស់ខ្លួន។

ការិយាល័យតំណាងពាណិជ្ជកម្មអាមេរិកបានឱ្យដឹងថា ខ្លួនពេញចិត្តនឹងសេចក្តីសម្រេចរបស់អង្គការ WTO ដោយបានបន្ថែមថា ប្រទេសចិនបាន «សងសឹកដោយខុសច្បាប់ជាមួយនឹងពន្ធបែបការពារ»។

ទីភ្នាក់ងារព័ត៌មានរ៉យទ័របានរាយការណ៍ថា ក្រសួងពាណិជ្ជកម្មចិនបានឱ្យដឹងថា ខ្លួនបានដឹងពីសេចក្ដីសម្រេចចិត្តរបស់ក្រុមប្រឹក្សារបស់អង្គការ WTO ហើយបានទាមទារឱ្យសហរដ្ឋអាមេរិកបញ្ចប់ការដកហូតពន្ធភ្លាមៗលើការនាំចូលដែកថែបនិងអាលុយមីញ៉ូមរបស់ចិន។

កាលពីខែមីនា ឆ្នាំ២០១៨ សហរដ្ឋអាមេរិកបានដកហូតពន្ធ ២៥ភាគរយលើដែកថែប និង ១០ភាគរយលើអាលុយមីញ៉ូមដែលនាំចូលពីប្រទេសចិន ដោយផ្អែកលើការស៊ើបអង្កេតសន្តិសុខជាតិតាមច្បាប់ «Section 232» របស់រដ្ឋាភិបាលអាមេរិកក្រោមការដឹកនាំរបស់លោក ដូណាល់ ត្រាំ លើការនាំចូលដែកថែប និងអាលុយមីញ៉ូម។

ក្រុមប្រឹក្សាដោះស្រាយជម្លោះនេះបានផ្តល់អនុសាសន៍ឱ្យប្រទេសចិនកែប្រែ «វិធានការមិនស្របនឹងច្បាប់របស់អង្គការ WTO របស់ខ្លួនប្រែទៅជាអនុលោមភាពវិញ»។

រដ្ឋាភិបាលក្រុងប៉េកាំងអាចប្តឹងឧទ្ធរណ៍ប្រឆាំងនឹងសេចក្តីសម្រេចនេះបាន ដែលនឹងបញ្ជូនករណីនេះឱ្យក្លាយទៅជាមោឃៈដោយស្របច្បាប់ ដោយសារតែក្រុងវ៉ាស៊ីនតោនបានរារាំងការតែងតាំងមន្ត្រីទៅកាន់ស្ថាប័នបណ្តឹងឧទ្ធរណ៍របស់អង្គការ WTO ដែលបង្កឱ្យស្ថាប័ននេះគ្មានលទ្ធភាពក្នុងការវិនិច្ឆ័យបាន។

កាលពីឆ្នាំមុន អង្គការ WTO បានសម្រេចថា ចំណាត់ការរបស់សហរដ្ឋអាមេរិកក៏បានបំពានច្បាប់ពាណិជ្ជកម្មអន្តរជាតិផងដែរ ហើយទីក្រុងវ៉ាស៊ីនតោនក៏បានប្តឹងឧទ្ធរណ៍ប្រឆាំងនឹងសេចក្តីសម្រេចនេះផងដែរ។ នេះបើយោងតាមទីភ្នាក់ងារព័ត៌មានរ៉យទ័រ៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
               
        

Copyright @ 2017-2022, Campost.asia, campost2022@gmail.com