នាយករដ្ឋមន្រ្តីកម្ពុជា សម្ដេចធិបតី ហ៊ុន ម៉ាណែត ដឹកនាំគណៈប្រតិភូរាជរដ្ឋាភិបាលកម្ពុជា មកដល់អាកាសយានដ្ឋានអន្តរជាតិ Newark Liberty ទីក្រុងញូវយ៉ក សហរដ្ឋអាមេរិក ប្រកបដោយសុវត្ថិភាព និងបានទទួលស្វាគមន៍ដោយ លោកស្រី អ៊ាត សុភា តំណាងអចិន្ត្រៃយ៍កម្ពុជា នៅអង្គការសហប្រជាជាតិ ទីក្រុងញូវយ៉ក សហរដ្ឋអាមេរិក ល្ងាចថ្ងៃព្រហស្បតិ៍ ទី២១ កញ្ញា ២០២៣ ៕
ចិនក្លាយជាប្រទេស មានរូបិយប័ណ្ណបរទេសច្រើនជាងគេបំផុតលើពិភពលោក
ថ្ងៃទី ៖ 14-08-2023, ដោយ​​ admin , 129 Views
               
ចិន : យោងតាមទីភ្នាក់ងារព័ត៌មានរ៉យទ័រ បានផ្សាយថា ទិន្នន័យផ្លូវការបានបង្ហាញនៅសប្តាហ៍នេះថា រូបិយប័ណ្ណបរទេស បម្រុងរបស់ប្រទេសចិនបានកើនឡើងច្រើនជាងការរំពឹងទុកនៅក្នុងខែកក្កដា ខណៈប្រាក់ដុល្លារបានធ្លាក់ចុះធៀបនឹងរូបិយប័ណ្ណសំខាន់ៗផ្សេងទៀតក្នុងខែកក្កដា។

ប្រាក់បម្រុងរូបិយប័ណ្ណបរទេសរបស់ប្រទេសដែលមានទំហំធំបំផុតក្នុងពិភពលោកបានកើនឡើង ១១,៣ពាន់លានដុល្លារដល់ ៣,២០៤ពាន់ពាន់លានដុល្លារកាលពីខែមុន ធៀបនឹងការព្យាកររបស់ក្រុមអ្នកវិភាគដែលថាមានចំនួន ៣,២ពាន់ពាន់លានដុល្លារក្នុងការស្ទង់មតិដែលធ្វើឡើងដោយទីភ្នាក់ងារព័ត៌មានរ៉យទ័រ និងធៀបនឹងចំនួន ៣,១៩៣ពាន់ពាន់លានដុល្លារក្នុងខែមិថុនា។

ប្រាក់យន់បានឡើងថ្លៃ ១,៥ភាគរយធៀបនឹងប្រាក់ដុល្លារក្នុងខែកក្កដា ខណៈដែលប្រាក់ដុល្លារកាលពីខែមុនបានធ្លាក់ចុះថ្លៃ ១ភាគរយធៀបនឹងកញ្ចប់រូបិយប័ណ្ណសំខាន់ៗផ្សេងទៀតត។

ទីភ្នាក់ងារព័ត៌មានរ៉យទ័របានរាយការណ៍ថា ប្រទេសចិនបានកាន់កាប់មាសសុទ្ធចំនួន ៦៩,៦៩លានត្រូយអោន (២,១លានគីឡូក្រាម) គិតត្រឹមដំណាច់ខែកក្កដា កើនឡើងពី ៦៧,៩៥លានត្រូយអោននៅដំណាច់ខែមិថុនា។

តម្លៃមាសបម្រុងរបស់ប្រទេសចិនបានកើនឡើងដល់ ១៣៥,៣៦ពាន់លានដុល្លារគិតត្រឹមដំណាច់ខែកក្កដាកើនឡើងពី ១២៩,៩៣ពាន់លានដុល្លារនៅដំណាច់ខែមិថុនា៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
               
        

Copyright @ 2017-2022, Campost.asia, campost2022@gmail.com