ថ្លែងក្នុងជំនួបជាមួយកម្មកររោងចក្រជាង១ម៉ឺននាក់ មកពីស្រុកគងពិសី ខេត្តកំពង់ស្ពឺ នៅព្រឹកថ្ងៃអាទិត្យ នាយករដ្ឋមន្រ្តីកម្ពុជា បានបញ្ជាក់ថា បន្តិចទៀតកម្ពុជានឹងចេញផុតពីប្រទេសអភិវឌ្ឍតិចតួច ។ «អ៊ីចឹងទេ យើងត្រូវពង្រឹងភាពធន់ខ្លួនឯងចាប់ពីឥឡូវនេះទៅ» ។
សម្ដេចបានបញ្ជាក់ថា «ហាមរដ្ឋមន្រ្តីដែលអមដំណើរខ្ញុំទាំងអស់ កុំហារមាត់សុំត្រលប់មកវិញ នូវ២០ភាគរយEBA……គឺហាមមិនឱ្យនិយាយ ព្រោះខ្ញុំក៍ចង់ដឹងភាពធន់របស់កម្ពុជាដល់ណាដែរ ដើម្បីយើងពង្រឹងសមត្ថភាពខ្លួនឯង កុំរងចាំដេកអ៊ុកស៊ី គេបន្តក់ខ្យល់មកឱ្យយើង» ៕