|
ទង់ជាតិបានបង្ហូតឡើងស្វាគមន៍ប្រតិភូទាំង១១ប្រទេស ខណៈកម្ពុជាបានរៀបចំព្រឹត្តិការណ៍កីឡាជនមានពិការភាព អាស៊ានប៉ារ៉ាហ្គេម លើកទី១២ ឆ្នាំ២០២៣
ថ្ងៃទី ៖ 02-06-2023, ដោយ admin , 92 Views
ភ្នំពេញ : កម្ពុជាសូមស្វាគមន៍ប្រតិភូកីឡាជនមានពិការភាព អាស៊ានប៉ារ៉ាហ្គេម លើកទី១២ ឆ្នាំ២០២៣ ទាំង១១ ប្រទេសនៃតំបន់អាស៊ីអាគ្នេយ៍ ដែលមកកាន់ព្រះរាជាណាចក្រកម្ពុជា។ កម្ពុជាមានកិត្តិយសទទួលស្វាគមន៍ ជាមួយបដិសណ្ឋារកិច្ចដ៏កក់ក្តៅ និងភាពរួសរាយរាក់ទាក់ ដែលជាប្រទេសតូច មានបេះដូងធំទូលាយ។ នេះបើតាមការបញ្ជាក់ពីប្រធានសហភាពសហព័ន្ធយុវជនកម្ពុជា (ស.ស.យ.ក) លោក ហ៊ុន ម៉ានី ។
លោក ហ៊ុន ម៉ានី បានបញ្ជាក់ថា ព្រឹកនេះព្រឹត្តិការណ៍កីឡាជនមានពិការភាព អាស៊ានប៉ារ៉ាហ្គេម លើកទី១២ ឆ្នាំ២០២៣ បានស្វាគមន៍ប្រតិភូដែលជាតំណាងដល់ប្រតិភូទាំងអស់ តាមរយៈពិធីបង្ហូតទង់ និងគោរពភ្លេងជាតិទាំង១១ ប្រទេស ដែលជាប្រពៃណីនៃការប្រកួត មុនពេលពិធីបើកមកដល់។ សូមរីករាយជាមួយពេលវេលារបស់លោកអ្នកនៅកម្ពុជា និងរីករាយជាមួយសក្តានុពលនៃធនធានជាច្រើនដែលយើងមាន ៕
|