ក្នុងពិធីសម្ពោធទីតាំងថ្មី នៃសាកលវិទ្យាល័យភូមិន្ទវិចិត្រសិល្បៈ ដែលស្ថិតនៅសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ នៅព្រឹកថ្ងៃពុធ ទី២៤ ខែឧសភា ឆ្នាំ២០២៣ នេះ សម្ដេចតេជោ ហ៊ុន សែន នាយករដ្ឋមន្ត្រី «ក្រុមហ៊ុន (អ៊ីនធឺណិត) ដែលអន់ជាងគេនៅស្រុកខ្មែរ គឺក្រុមហ៊ុន ហូមអ៊ីនធឺណេត អាហ្នឹងម៉ែអន់ ឪអន់ហើយ។ ឥឡូវក្រសួងប្រៃសណីយ៍ ចុះមើលក្រុមហ៊ុននេះតិចមើល។ …..បុគ្គលិករបស់អ្នកឯងឬកធំជាងនាយករដ្ឋមន្ត្រី ពីព្រោះនាយករដ្ឋមន្ត្រីមិនដែលធ្វើឬកធំផងហ្នឹង»។

ជាមួយគ្នានោះ សម្ដេចតេជោ ក៏បានបន្តណែនាំដល់ក្រុមហ៊ុនលក់ផ្ទះល្វែង ឬបុរីទាំងអស់ត្រូវបើកឱ្យក្រុមហ៊ុនផ្ដល់សេវាទូរស័ព្ទ និងអ៊ិនធឺណិត អាចចូលទៅភ្ជាប់បណ្ដាញនៅតាមទីតាំងរបស់ខ្លួនបាន គឺមិនត្រូវលក់ផ្ដាច់មុខឱ្យក្រុមហ៊ុនណាមួយនោះទេ ៕