តោះ! មកដឹងខ្លះៗ ពីកីឡាប៉ារ៉ាលើកទម្ងន់ ដែលជាប្រភេទកីឡាមួយដែលនឹងមានក្នុងការប្រកួតកីឡាអាស៊ានប៉ារ៉ាហ្គេមលើកទី១២ ឆ្នាំ២០២៣។ អត្តពលិកកីឡាប៉ារ៉ាលើកទម្ងន់ ត្រូវដេកលើកៅអី ហើយលើករបារទម្ងន់ផ្ដេកពីប្រវែងដៃចុះមកដល់ទ្រូង ហើយលើកត្រឡប់របារនោះទៅទីតាំងចាប់ផ្តើមវិញ។ អត្តពលិកអាចនឹងធ្វើការលើករបារទម្ងន់ ៣លើកក្នុងអំឡុងពេលប្រកួត ដែលក្នុងមួយលើកៗពួកគេមានឱកាសព្យាយាម ៣ដង។ បន្ទាប់ពីការលើកដោយជោគជ័យ អត្តពលិកត្រូវបង្កើនទម្ងន់យ៉ាងហោចណាស់ ១ គីឡូសម្រាប់ការលើកបន្ទាប់។
គួរបញ្ជាក់ផងដែរថា អត្តពលិកម្នាក់ក៏អាចធ្វើការលើករបារលើកទី៤ សម្រាប់បំបែកកំណត់ត្រា ប៉ុន្តែនេះមិនរាប់បញ្ចូលក្នុងលទ្ធផលចុងក្រោយនៃការប្រកួតនោះទេ ៕