ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47
ក្រោមដំណក់ទឹកភ្លៀង លាយឡំខ្យល់កន្រ្តាក់ ផ្គរ រន្ទះ កីឡាការិនី​ «បូ សំណាង​» បានឆក់យកបេះដូងមនុស្សរាប់លាននាក់ ក្រោយនាងជម្នះរត់ទៅដល់គោលដៅចម្ងាយ៥០០០ម៉ែត្រ
ថ្ងៃទី ៖ 09-05-2023, ដោយ​​ admin , 291 Views
                     
ភ្នំពេញ : មិនថាតែមនុស្សម្នានៅក្នុងព្រឹត្តិការណ៍ប្រកួតកីឡាអាស៊ីអាគ្នេយ៍ លើកទី៣២ ឬនៅលើបណ្ដាញទំនាក់ទំនងសង្គមប៉ុណ្ណោះទេ ដែលមានអារម្មណ៍រំជើបរជួល និងព្រឺរោមនិងបង្ហូរទឹកភ្នែក សូម្បីតែទេវតាក៍ទប់ចិត្តមិនបានដែរបន្ទាប់ពីឃើញ កីឡាការិនី​ «បូ សំណាង​» របស់កម្ពុជាប្រឹងប្រែងជម្នះរហូតទៅដល់គោលដៅក្នុងចម្ងាយ៥០០០ម៉ែត្រ ក្រោមដំណក់ទឹកភ្លៀង លាយឡំខ្យល់កន្រ្តាក់ ផ្គរ រន្ទះ ។

សារព័ត៌មានថៃ វៀតណាម និងកម្ពុជា បានចុះផ្សាយព្រោងព្រាតទាំងនៅលើបណ្ដាញសង្គមផង ពីភាពអង់អាចរបស់កីឡាការិនី រត់ប្រណាំង «បូ សំណាង» ដោយកាសែតបរទេសទាំងនោះបានផ្តិតយកសកម្មភាពភាពរត់ចម្ងាយនេះ សរសេរពីភាព តស៊ូ របស់នាង រហូតដល់គោលដៅ ទោះចាញ់ក៏ដោយ ក៏នាងមិនបោះបង់ពីការរត់ បញ្ឈប់កណ្តាលទីឡើយ។ មានអ្នកខ្លះបានបង្ហោះថា "នេះជាមេរៀនដែលខ្ញុំបានរៀនពី សំណាង" ។ ទោះបីជាគោលដៅនៅឆ្ងាយ​ នាងទៅទាល់តែដល់ ទោះយឺតជាងអ្នកដទៃ​ ប្រឹងប្រែងទៅមុខ​ មិនបោះបង់​ មិនថាជួបឧបសគ្គបែបណា ដំណេីរដ៏វែងឆ្ងាយនៃជីវិត​ អ្នកនឹងជួបឧបសគ្គគ្រប់បែបយ៉ាង​ ព្យុះភ្លៀង​ បង្រៀនយេីងអោយជម្នះទៅមុខទៀត​ ។ អ្នកអាចយំបាន​ តែអ្នកមិនត្រូវចុះចាញ់ជាដាច់ខាត។ ដល់គោលដៅមុន​ ឬក្រោយ​ មិនសំខាន់​ សំខាន់​ មិនបោះបង់គោលដៅខ្លួនឯងពាក់កណ្តាលទី។ ជីវិតយេីងម្នាក់ៗដូចការរត់ប្រណាំង​ ឆ្លងកាត់ភ្លៀងព្យុះ​ ដូច​ បូ​ សំណាង បែបនេះឯង។ បូ សំណាង រត់មកដល់ទី ក្រោយគេ លើកទង់ជាតិកម្ពុជា ទាំងទឹកភ្នែក ពេលមេឃ កំពុងភ្លៀង ផ្គរ ខ្យល់កន្ត្រាក់ខ្លាំង ។

សូមជូនពរដល់ កីឡាការិនី​ បូ សំណាង នឹងយកជ័យជំនះ សម្រាប់ពេលក្រោយៗទៀត។ អ្នកមានបេះដូងធំទូលាយ ប្រទេសជិតខាង ត្រូវបានអ្នកប្រមូលបេះដូងបានអស់ហើយ ចំពោះប្រជាពលរដ្ឋជាតិយើងវិញ ពិតរំភើបចិត្ត គាំទ្រអ្នកខ្លាំងបំផុត ។

សកម្មភាពរបស់ កីឡាការិនីរត់ប្រណាំង «បូ សំណាង» បានឆក់យកបេះដូងមនុស្សរាប់លាននាក់ និងមានការបង្ហោះព្រោងព្រាតពាសពេញបណ្តាញទំនាក់ទំនងសង្គមហ្វេសប៊ុក តាំងពីយប់មុិញ រហូតដល់ព្រឹកថ្ងៃទី៩ ខែឧសភា ឆ្នាំ២០២៣ កាន់តែមានការបង្ហោះ លើ facebook ភាគច្រើន ជាសារកោតសរសើរ ផ្តល់កម្លាំងចិត្តដល់នាង ។

«កីឡា គឺលើសពីភាពឈ្នះ និងចាញ់» កីឡា មិនបានសំដៅទៅលើតែសេចក្តីឈ្នះចាញ់ចំពោះគូរប្រកួតនោះទេ ខ្លឹមសារបំផុតរបស់អត្តពលិក គឺការបង្ហាញឲ្យឃើញនូវសេចក្តីអំណត់តស៊ូ ការខិតខំប្រឹងប្រែងយកឈ្នះលើខ្លួនឯងចំពោះបញ្ហាដែលកំពុងប្រឈម ស្តែងឲ្យឃើញនូវចំណុចពិសេសរបស់យើងទៅកាន់ពិភពខាងក្រៅ មួយជំហាននៃការខិតខំប្រឹងប្រែង គឺមួយជំហានខិតទៅរកភាពជោគជ័យ។ ប្រជាជនកម្ពុជាគ្រប់រូបមានមោទនភាពយ៉ាងក្រៃលែងចំពោះ អត្តពលិក តំណាងដល់កម្ពុជាទាំងអស់ដែលបានខិតខំប្រឹងប្រែងស្វែងរកមេដាយជូនជាតិ ហើយរក្សាបានជូនកម្ពុជានូវចំណាត់ថ្នាក់ទី១ នៃប្រទេសទទួលបានមេដាយច្រើនជាងគេក្នុងការប្រកួតកីឡាសុីហ្គេមលើកទី៣២ ។ យើងនៅទីនេះគាំទ្រអ្នក មិនថាជ័យជំនះ ឫបរាជ័យ ៕

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
                     
        

Copyright @ 2017-2024, Campost.asia, campost2022@gmail.com