សំណេរនៅលើបណ្ដាញសង្គមហ្វេសប៊ុករបស់នាយករដ្ឋមន្រ្តី បែបសោកសៅ បានពោលថា បែកគ្នាដោយមិនបានលាគឺជារឿងមិនអស់ចិត្តសម្រាប់ក្រុមគ្រួសារ តែនេះ ជាក្រឹត្យក្រមធម្មជាតិដែលមិនអាចជៀសវាងបានគឺ កើត ចាស់ ឈឺ ស្លាប់តែ អ្វីជាការសោកស្តាយគឺនៅត្រង់មនុស្ស ដែលមានអាយុច្រើនធ្វើបុណ្យសពឲ្យ មនុស្សដែលមានអាយុតិចជាង។
បើតាមសំណេរបន្តរបស់សម្ដេចតេជោ ហ៊ុន សែន នាយករដ្ឋមន្រ្តី បានលើកឡើងថា ជាគ្រួសារមួយដែលមិនធ្លាប់មានទំនាស់ ទោះតូចក្តីធំក្តីមិនដែលមានភាពរកាំរកូស សូម្បីពាក្យសំដីមួយម៉ាត់ ការបែកគ្នាដោយគ្មានពេលជួបវិញពិតជាបានធ្វើឲ្យ ក្រុមគ្រួសារកាន់តែអាឡោះអាល័យនឹក ស្រណោះដល់ពេលដែលកន្លងហួស ពិសេសកូន ចៅនិងក្មួយៗដែលម្តាយ ជីដូននិងម្តាយមីងបានមើលថែទាំដល់ពួក គេ។
សម្ដេចថា ដូចឆ្នាំកន្លងមកដែរពេលបងប្រុសមរណភាពខ្ញុំមិនបានចូលរួមបុណ្យ៧ថ្ងៃ នោះទេព្រោះត្រូវធ្វើដំណើរទៅសហរដ្ឋ អាមេរិកដើម្បីប្រជុំពិសេសអាស៊ាន. សហរដ្ឋអាមេរិក។ លើកនេះពេលប្អូនស្រី ទទួលមរណភាពពេលបុណ្យ៧ថ្ងៃត្រូវ ដឹកនាំគណៈប្រតិភូជាន់ខ្ពស់ទស្សនកិច្ច ផ្លូវការនៅសាធារណរដ្ឋប្រជាមានិតចិន ដែលកម្មវិធីនេះបានព្រមព្រៀងគ្នាតាម រយៈការទូតជាងមួយខែមកហើយ៕