យោងតាមសេចក្តីថ្លែងការណ៍របស់អនុប្រធានាធិបតីទួរគី Fuat Oktay យ៉ាងហោចណាស់មនុស្ស ២៨៤ នាក់បានស្លាប់ និងជាង២៣០០ នាក់បានរងរបួស។ លើសពីនេះ អគារជាង ១៧០០ នៅក្នុងទីក្រុងចំនួន ១០ ត្រូវបានខូចខាត។ 

នៅក្នុងប្រទេសស៊ីរី ទីភ្នាក់ងារសារព័ត៌មាន SANA បានដកស្រង់សម្តីមន្ត្រីក្រសួងសុខាភិបាល ដែលបាននិយាយថា យ៉ាងហោចណាស់មនុស្ស២៣៧នាក់បានស្លាប់ និង៦៣៩នាក់រងរបួស។

សរុបមនុស្សស្លាប់ក្នុងប្រទេសទាំងពីរគិតត្រឹមម៉ោង២និង៣០នាទីរសៀលថ្ងៃទី៦ កុម្ភៈ មាន៥២១នាក់ ។ ការរញ្ជួយដីនេះគឺជាកម្លាំងខ្លាំងបំផុតមួយដែលបានអង្រួនប្រទេសទួរគីក្នុងរយៈពេលជាង ១00 ឆ្នាំ ដោយអង្រួនតំបន់ដ៏ធំមួយ បណ្តាលឱ្យអគារជាច្រើនដួលរលំ។

ក្រុមអ្នកជួយសង្គ្រោះកំពុងព្យាយាមស្វែងរកមនុស្សដែលបាត់ខ្លួននៅក្នុងគំនរបាក់បែកក្នុងអាកាសធាតុរដូវរងាត្រជាក់ និងភ្លៀងធ្លាក់ខ្លាំង៕