ការលើកឡើងរបស់អនុគណខណ្ឌមានជ័យ គ្រាដែលប្រជាការពារប្រមាណ៦០នាក់មកពីភូមិចំនួន៨ នៅរសៀលថ្ងៃទី៣ កុម្ភៈនេះ បានទទួលអំណោយជាទេយ្យទាន មានអង្ករ មី ទឹកត្រី និងថវិការពី ព្រះតេជ្ជគុណ សុវណ្ណ ញាណឈាក ទីប្រឹក្សា សម្ដេចសង្ឃ នន្ទ ង៉ែត សម្ដេចសង្ឃនាយក នៃព្រះរាជាណាចក្រកម្ពុជា និងជាជំនួយការអនុគណខណ្ឌមានជ័យ ព្រមទាំងពុទ្ធបរិស័ទ ។
ព្រះតេជ្ជគុណ សុវណ្ណ ញាណឈាក បានមានសង្ឃដីកាថា ព្រះតេជ្ជគុណនឹងបន្តចូលរួមការងារសង្គមជាបន្តទៀតដើម្បីចូលរួមចំណែកការងារមនុស្សធម៌ ។ មិនថាក្នុងរាជធានីភ្នំពេញប៉ុណ្ណោះទេដែលព្រះតេជ្ជគុណបានគិតគូដល់ពលរដ្ឋដែលខ្វះខាតសូម្បីតែតាមបណ្ដាខេត្តក៍ព្រះតេជ្ជគុណចូលរួមចំណែកដែរ ។
លោក ជា សារ៉េត ចៅសង្កាត់ស្ទឹងមានជ័យទី១ បានលើកឡើងថា នៅក្នុងសង្កាត់ស្ទឹងមានជ័យទី១ មានភូមិចំនួន៨ ដែលមានប្រជាការពារចំនួន៦០នាក់ សម្រាប់ចុះល្បាតនិងរៀបចំសណ្ដាប់ធ្នាប់ ៕