អភិបាលរាជធានីភ្នំពេញ លោក ឃួង ស្រេង នាព្រឹកថ្ងៃសុក្រទី៣ ខែកុម្ភៈ ឆ្នាំ២០២៣ បានចុះសួរសុខទុក្ខ និងសំណេះសំណាលជាមួយប្រជាពលរដ្ឋរស់នៅបុរីកីឡាទាំង០៨អគារ ស្មើនឹង១,​៣៩២បន្ទប់ ប្រមាណ ១,​២០០គ្រួសារ ដែលកំពុងរស់នៅក្នុងអគារបុរីកីឡា ដោយបាននាំយកដំណឹងដ៏សែនរីករាយ មកជម្រាបជូនបងប្អូនប្រជាពលរដ្ឋដែលរស់នៅក្នុងអគារបុរីកីឡា ដោយពិនិត្យឃើញអំពីស្ថានភាពរបស់បងប្អូន និងជួយសម្រួលឱ្យបងប្អូនទទួលបានកម្មសិទ្ធិស្របច្បាប់នៅអគារសហកម្មសិទិ្ធបុរីកីឡា ក៏ដូចសម្រួលបន្ទុកក្នុងការបង់ពន្ធ-អាករ និងសេវាសុរិយាដីនានា ក្នុងដំណើរការបំពេញនីតិវិធីកសាងប័ណ្ណកម្មសិទ្ធិនេះ ។

បើតាម លោក ឃួង ស្រេង ដែលជាអភិបាលរាជធានីភ្នំពេញដ៍មានប្រជាប្រិយភាព បានប្រាប់ថា សម្ដេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានប្រទានកម្មប័ណ្ណកម្មសិទ្ធិលើចំណែកឯកជន ចំនួន ១,៣៩២បន្ទប់ នៃអគារបុរីកីឡាទាំង ០៨អគារ ដែលមានពលរដ្ឋប្រមាណ១២០០គ្រួសាររស់នៅ ៕