នាយករដ្ឋមន្រ្តី ៖ ស្វាគមន៍ការរាប់ថយក្រោយ១០០ថ្ងៃ នៃព្រឹត្តិការណ៍ស៊ីហ្គេមលើកទី៣២ ដែលកម្ពុជាត្រូវធ្វើជាម្ចាស់ផ្ទះ
 
អាជា្ញធរខណ្ឌព្រែកព្នៅប្រាប់ពលរដ្ឋដែលប៉ះពាល់នៅលើផ្លូវ១៥១ ឱ្យគិតឡើងវិញ មុននឹងជំទាស់មិនព្រមទទួលយកផ្ទះ
ថ្ងៃទី ៖ 19-01-2023, ដោយ​​ admin , 48 Views
               
ភ្នំពេញ : ជាថ្មីម្ដងទៀត នាព្រឹកថ្ងៃទី១៩ ខែមករា ឆ្នាំ២០២៣ អភិបាលខណ្ឌព្រែកព្នៅ លោក ធឹម សំអាន និង លោកស៊ូ ស៊ីវិត្ថា ប្រធានការិយាល័យរៀបចំដែនដី ខណ្ឌព្រែកព្នៅ បានកោះពលរដ្ឋមកប្រជុំដោះស្រាយ ជុំវិញការតវ៉ាដែលពលរដ្ឋរងផលប៉ះពាល់នៅផ្លូវ១៥១ ( ផ្លូវទៅភ្នំប្រសិទ្ធ ) ស្ថិតក្នុងភូមិសំរោងត្បូង សង្កាត់សំរោង ខណ្ឌព្រែកព្នៅ រាជធានីភ្នំពេញ ដោយអាជា្ញធរប្រកាសផ្ដល់ផ្ទះជូនពួកគាត់ ។ ប៉ុន្តែពលរដ្ឋហាក់រារែកពោលមិនទាន់ឯកភាពទទួលផ្ទះនោះនៅឡើយ ។

លោកធឹម សំអាន អភិបាលខណ្ឌព្រែកព្នៅ បានមានប្រសាសន៍ថា គម្រោងផ្ទះនេះអាចលុយចេញវិញបាន បើបងប្អូនមិនព្រមទទួលយក ហើយគម្រោងមានតែដីទទឹង៤ម៉ែត្រកន្លះ បណ្តោយ១៨ម៉ែត្រគឺនៅដដែល ដូចនេះសូមបងប្អូនពិភាក្សាគ្នាតាមសម្រួលចុះ។ ទន្ទឹមនឹងនេះលោកអភិបាលខណ្ឌ សូមអំពាវនាវអោយប្រជាពលរដ្ឋពិចារណាឡើងវិញ កុំជឿលើការញុះញ៉ុងរបស់គេ ដែលនាំអោយខាតបង់ពេលវេលានិងផលប្រយោជន៍របស់បងប្អូនតែប៉ុណ្ណោះ។

បើតាម លោកស៊ូ ស៊ីវិត្ថា ផ្ទះនេះមានទំហំទទឹង៤ម៉ែត្រកន្លះ បណ្តោយ១២ម៉ែត្រ សល់ខាងក្រោយ២ម៉ែត្រ និងមុខផ្ទះ៤ម៉ែត្រ មានឡៅតឿហើយចាក់ប្លង់សេមួយសន្លឹក គ្រឹះក្រោយអាចចាក់ប្លង់សេបាន៣សន្លឹកទៀត មានប្រព័ន្ធលូ ទឹក ភ្លើង និងមានប័ណ្ណកម្មសិទ្ធត្រឹមត្រូវ ៕

COUNTACT US
Email : info@campost.asia
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
               
        

Copyright @ 2021, Campost.asia, info@campost.asia