នាយករដ្ឋមន្រ្តី ៖ ស្វាគមន៍ការរាប់ថយក្រោយ១០០ថ្ងៃ នៃព្រឹត្តិការណ៍ស៊ីហ្គេមលើកទី៣២ ដែលកម្ពុជាត្រូវធ្វើជាម្ចាស់ផ្ទះ
 
នាយករដ្ឋមន្រ្តី ៖ មន្ទីរពេទ្យជាតិតេជោសន្ដិភាពដែលសង់ថ្មី អាចផ្ទុកមនុស្សបាន១ម៉ឺននាក់លើសមន្ទីរពេទ្យធម្មតា ទ្វេរគុណ
ថ្ងៃទី ៖ 19-01-2023, ដោយ​​ admin , 40 Views
               
ភ្នំពេញ : បើតាមនាយករដ្ឋមន្រ្តីកម្ពុជា «មន្ទីរពេទ្យជាតិតេជោសន្ដិភាព» ដែលចាប់ផ្ដើមសង់ថ្មីនៅពេលនេះ អាចផ្ទុកអ្នកជំងឺបាន១ម៉ឺននាក់ បើធៀបនឹងមន្ទីរនៅក្នុងរាជធានីភ្នំពេញគឺទ្វេរគុណ ។

ក្នុងពិធីជួបសំណេះសំណាលជាមួយកម្មករសំណង់នៅក្នុងការដ្ឋាន «មន្ទីរពេទ្យជាតិតេជោសន្ដិភាព» ប្រមាណ ១,២០០ នាក់ នៅព្រឹកថ្ងៃ ថ្ងៃទី១៩ មករានេះ សម្ដេចតេជោ ហ៊ុន សែន នាយករដ្ឋមន្រ្តី បានថ្លែងថា «មន្ទីរពេទ្យមួយនេះ មានសមត្ថភាពទទួលជិត១ម៉ឺននាក់ ពោល ៩៤៩៦គ្រែ» ។

បើតាមរបាយការណ៍ អគារ«មន្ទីរពេទ្យជាតិតេជោសន្ដិភាព»មានចំនួន១១អគារដែលមានអគារព្យាបាល និងសង្គ្រោះបន្ទាន់(E)មានទំហំ ៧,៤៨០ ម៉ែត្រការ៉េ,អគារព្យាបាលកម្រិតធ្ងន់(H1និង H2)មានគ្រែសរុបចំនួន៥២៧គ្រែ, អគារព្យាបាលកម្រិតស្រាល(H3,H4,H5,H6និងH7)មានគ្រែសរុប៨,៩៦៩ គ្រែ,គ្រែបុគ្គលិកពេទ្យប្រចាំការមានចំនួន៤៦គ្រែនិងគ្រែបុគ្គលិកស្នាក់នៅចំនួន២០៦ គ្រែ,អគារបច្ចេកទេស(T1),អគារបច្ចេកទេស (T2),អគារផ្គត់ផ្គង់និងព័ត៌មាន(A)មានទំហំ២,៨៣៥ ម៉ែត្រការ៉េ,អគារស្នាក់នៅសម្រាប់បុគ្គលិក (S)មានគ្រែសរុបចំនួន ២៣៤ គ្រែ។ ចំណតរថយន្តមានផ្ទៃក្រឡា ៧,០២៦ ម៉ែត្រការ៉េ ដែលអាចចត រថយន្តបានចំនួន ២១០ គ្រឿង មានសួនច្បារព័ណ៌បៃតងទំហំ ៤,៤៩០ ម៉ែត្រការ៉េ ៕

COUNTACT US
Email : info@campost.asia
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
               
        

Copyright @ 2021, Campost.asia, info@campost.asia