|
លោក ខៀវ សុភ័គ ៖ ចាប់ខ្លួនមនុស្ស៤៧នាក់ ពាក់ព័ន្ធគ្រឿងញៀន និងបទល្មើសព្រហ្មទណ្ឌ
ថ្ងៃទី ៖ 03-12-2022, ដោយ admin , 150 Views
ភ្នំពេញ : ជនសង្ស័យ៤៧នាក់ ត្រូវបានសមត្ថកិច្ចឃាត់ខ្លួន ក្នុងបទល្មើសព្រហ្មទណ្ឌ និងបទល្មើសគ្រឿងញៀន នៅទូទាំងរាជធានី ខេត្ត កាលពីថ្ងៃម្សិលមិញ។ នេះបើតាមការបញ្ជាក់របស់នាយឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ ឱ្យដឹងនៅថ្ងៃនេះ។
នាយឧត្តមសេនីយ៍ ខៀវ សុភ័គ បានបញ្ជាក់បន្ថែមថា ក្នុងចំណោមជនសង្ស័យទាំង ៤៧នាក់នោះមាន ១៦នាក់ ត្រូវបានឃាត់ខ្លួន ពាក់ព័ន្ធបទល្មើសព្រហ្មទណ្ឌ ១៥ករណី ស្ថិតក្នុង ៩រាជធានី ខេត្ត និងជនសង្ស័យ ៣១នាក់ ត្រូវបានឃាត់ខ្លួនក្នុងបទល្មើសគ្រឿងញៀន ១០ករណី ស្ថិតក្នុង ៧រាជធានី ខេត្ត ៕
|