នៅក្នុងចំណោម២៥រាជធានី ខេត្ត ប្រជាជនដែលច្រើនជាងគេគឺរាជធានីភ្នំពេញ ហើយប្រជាជនដែលតិចជាងគេគឺជាខេត្តកែប ។ ខេត្តកែបគឺជាខេត្តមួយដែលបានផ្ដាច់ខ្លួនចេញពីខេត្តកំពត ។
បច្ចុប្បន្នខេត្តកែបមានក្រុងស្រុកចំនួនពីរ ទី១ គឺក្រុងកែប និងទី២ គឺស្រុកដំណាក់ចង្អើរ ហើយខេត្តកែបមានប្រជាជនសរុប ៤២០០០នាក់ ។ អភិបាលក្រុងកែប លោក ខេង យ័ន បានប្រាប់សារព័ត៌មាន Cam Post នៅចុងសប្ដាហ៍នេះថា អ្នកដែលមានឈ្មោះបោះឆ្នោតក្នុងឆ្នាំ២០២១សម្រាប់ប្រជាជន៣សង្កាត់នៅក្នុងក្រុងកែប មានចំនួន ១៤២០៦នាក់ ។
លោកថា គិតត្រឹមថ្ងៃទី៣០ ចុងខែវិចិ្ឆកា ប្រជាជនដែលបានមកចុះឈ្មោះថ្មីសម្រាប់ការបោះឆ្នោត មានចំនួន ៦៤៧នាក់ និងមានអ្នកផ្ទេរមកពីក្រៅចំនួន ១៦២នាក់ ។
លោក ខេង យ័ន បញ្ជាក់ថា សម្រាប់ក្នុងឆ្នាំ២០២២ ក្រុងកែប មានអ្នកមកចុះឈ្មោះបោះឆ្នោត ចំនួន ១៤ ៧១៦នាក់ និងខេត្តកែបទាំងមូលមានចំនួន ២៧ ៩១១នាក់ ក្រៅពីនោះមានអ្នកមិនទាន់ចុះឬកំពុងត្រៀមនឹងចុះចំនួន ១៣៥នាក់ ៕