⏩ លោកអ្នក អាចអាននិងទស្សនា ព័ត៌មានថ្មីៗ ច្បាស់និងស៊ីជម្រៅ ពីសារព័ត៌មាន Cam Post តាមរយៈ ៖ គេហទំព័រ : ( www.campost.asia ) តេលេក្រាម : ( t.me/campost_asia ) Facebook Cam Post : ( www.Facebook.com/campostnews ) Cam Post Tv : ( www.Facebook.com/campostvdos )
 
នាវាដឹកទំនិញជិត១០០គ្រឿង បន្តកន្ទុយគ្នារងចាំដឹកគ្រាប់ធញ្ញជាតិពីប្រទេសអ៊ុយក្រែន
ថ្ងៃទី ៖ 24-11-2022, ដោយ​​ admin , 47 Views
               
បរទេស : អង្គការឃ្លាំមើលការនាំចេញផលិតផលកសិកម្មរបស់អ៊ុយក្រែនបាននិយាយថា មានកប៉ាល់ចំនួន ៨២គ្រឿងកំពុងរង់ចាំតម្រង់ជួរសម្រាប់នាំគ្រាប់ធញ្ញជាតិពីអ៊ុយក្រែន។

យោងតាមសារព័ត៌មាន CNBC នៅថ្ងៃទី២៤ ខែវិច្ឆិកា ចំនួនកប៉ាល់ដែលកកស្ទះនេះបានកើនឡើងបើធៀបនឹងចំនួនកាលពីថ្ងៃទី ១៧ខែវិច្ឆិកា នៅពេលនោះមានតែនាវាចំនួន៦៩គ្រឿងប៉ុណ្ណោះដែលត្រូវរង់ចាំដឹកគ្រាប់ធញ្ញជាតិ។

មជ្ឈមណ្ឌលសម្របសម្រួលរួមដែលដឹកនាំដោយអង្គការសហប្រជាជាតិក៏បាននិយាយផងដែរថា កប៉ាល់ដឹកគ្រាប់ធញ្ញជាតិប្រហែល១១២ គ្រឿងកំពុងរង់ចាំការត្រួតពិនិត្យនៅក្នុងដែនទឹកនៃប្រទេសទួរគី។

កិច្ចព្រមព្រៀងដែលបានបង្កើតឡើងក្នុងខែកក្កដារវាងអ៊ុយក្រែន រុស្ស៊ី ទួរគី និងអង្គការសហប្រជាជាតិ គំនិតផ្តួចផ្តើមនាំគ្រាប់ធញ្ញជាតិតាមសមុទ្រខ្មៅបានជួយរំដោះការខ្វះខាតគ្រាប់ធញ្ញជាតិពីប្រទេសអ៊ុយក្រែន។ នៅក្រោមកិច្ចព្រមព្រៀងនេះ កំពង់ផែសំខាន់ៗចំនួនបីរបស់អ៊ុយក្រែនត្រូវបានបើកឡើងវិញសម្រាប់ការនាំចេញគ្រាប់ធញ្ញជាតិ។

ចាប់តាំងពីកិច្ចព្រមព្រៀងនេះត្រូវបានចុះហត្ថលេខា នាវាជាង៤៩0 គ្រឿងដែលផ្ទុកគ្រាប់ធញ្ញជាតិ ១១,៨ លានតោន និងផលិតផលអាហារផ្សេងទៀតបានចេញដំណើរទៅកាន់គោលដៅនានាជុំវិញពិភពលោក។

កាលពីថ្ងៃទី១៧ ខែវិច្ឆិកា រុស្ស៊ី និងអ៊ុយក្រែនបានយល់ព្រមបន្តកិច្ចព្រមព្រៀងគ្រាប់ធញ្ញជាតិ120ថ្ងៃ។ រុស្ស៊ីបានដកខ្លួនចេញពីកិច្ចព្រមព្រៀងគ្រាប់ធញ្ញជាតិបន្ទាប់ពីមានការវាយប្រហារលើកប៉ាល់រុស្ស៊ីនៅតំបន់គ្រីមៀ៕

COUNTACT US
Email : info@campost.asia
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
               
        

Copyright @ 2021, Campost.asia, info@campost.asia