យោងតាមទីភ្នាក់ងារព័ត៌មាន Reuters បានផ្សាយថា នៅពេលដែលចំនួនករណីឆ្លង COVID-19 នៅក្នុងរដ្ឋធានីប៉េកាំង ក៏ដូចជាប្រទេសទាំងមូលបានកើនឡើង មន្ត្រីបានជំរុញឱ្យអ្នករស់នៅក្នុងតំបន់ដែលរងផលប៉ះពាល់ខ្លាំងបំផុតមួយចំនួនស្នាក់នៅក្នុងផ្ទះ។

សាលាមួយចំនួនក្នុងទីក្រុងប៉េកាំងអនុញ្ញាតឱ្យសិស្សរៀនតាមអ៊ីនធឺណិត ដូចជា Haidian, Dongcheng និង Xicheng។ ទីក្រុងប៉េកាំងបានរាយការណ៍ពីការឆ្លងថ្មីចំនួន ៩៦២នគ៉ នៅថ្ងៃទី ២១ ខែវិច្ឆិកា កើនឡើងពី ៦២១ នៅថ្ងៃទី ២0 ខែវិច្ឆិកា។ ទន្ទឹមនឹងនេះដែរ ចំនួនអ្នកស្លាប់សរុបបានកើនឡើងដល់ ៣ នាក់ហើយ។

មនុស្សជាច្រើន បានអនុញ្ញាតឱ្យធ្វើការពីផ្ទះ។ ហាងផ្សេងទៀតក្រៅពីលក់គ្រឿងទេសភាគច្រើនត្រូវបានបិទទ្វារ។ ប្រទេសចិនកំពុងប្រយុទ្ធប្រឆាំងនឹងការរីករាលដាលនៃជំងឺកូវីដ-១៩ថ្មីនៅទូទាំងប្រទេស ដោយការឆ្លងខ្លាំង កើតឡើងពីតំបន់ដូចជា Zhengzhou, Henan ដល់ Chongqing។

ប្រទេសនេះបានកត់ត្រាការឆ្លងក្នុងស្រុកថ្មីចំនួន 26,824 នៅថ្ងៃទី 20 ខែវិច្ឆិកា ដែលជិតដល់កម្រិតកំពូលនៃការរាតត្បាតប្រចាំថ្ងៃនៅក្នុងខែមេសា។

ក្នុងចំណោមទីតាំងនានា ក្វាងចូវ ដែលជាទីក្រុងភាគខាងត្បូងដែលមានប្រជាជនជិត ១៩ លាននាក់ កំពុងជួបប្រទះការផ្ទុះឡើងដ៏ធំបំផុត។ ថ្មីៗនេះ ទីក្រុងនេះបានចាប់ផ្តើមការបិទផ្លូវរយៈពេលប្រាំថ្ងៃនៅក្នុងស្រុក Baiyun ដោយបញ្ឈប់សេវាកម្មភោជនីយដ្ឋាន ក្លឹបរាត្រី និងរោងកុននៅតាមដងផ្លូវពាណិជ្ជកម្មសំខាន់ៗ៕