បន្ទាប់ពី Twitter បានប្រកាសថា ខ្លួននឹងបិទការិយាល័យរហូតដល់ថ្ងៃទី ២១ ខែវិច្ឆិកា ។ មហាសេដ្ឋី Elon Musk បានស្នើឱ្យបុគ្គលិកនៅក្នុងនាយកដ្ឋានបច្ចេកទេសមកទីស្នាក់ការកណ្តាលរបស់ខ្លួននៅ San Francisco (សហរដ្ឋអាមេរិក) នេះបើយោងតាមសារព័ត៌មាន CNBC ។
ជាក់ស្តែង កាលពីល្ងាចថ្ងៃទី ១៧ ខែវិច្ឆិកា ក្រុមហ៊ុនបណ្តាញទំនាក់ទំនងសង្គមយក្សមួយនេះ បានផ្ញើអ៊ីមែលទៅកាន់ក្រុមហ៊ុនទាំងមូល ដោយនិយាយថា អគារនានានឹងត្រូវបិទជាបណ្តោះអាសន្ន ចំណែកការចូលប្រើប្រាស់កាត (ID)ត្រូវបានផ្អាកសម្រាប់ពេលបច្ចុប្បន្ន។ នេះជាការឆ្លើយតបរបស់ Musk នៅពេលបុគ្គលិករាប់រយនាក់បដិសេធមិនបន្តធ្វើការតាមចក្ខុវិស័យរបស់ចៅហ្វាយថ្មី។
ទោះជាយ៉ាងណាក៏ដោយ បន្ទាប់ពីនោះមក មហាសេដ្ឋីវ័យ ៥៥ ឆ្នាំរូបនេះបានជំរុញឱ្យអ្នកណាម្នាក់ដែលចេះសរសេរកម្មវិធី រាយការណ៍ទៅការិយាល័យរបស់ Twitter ឱ្យបានមុនរសៀល ថ្ងៃទី ១៨ ខែវិច្ឆិកា(ពេលវេលាអាមេរិក)។
បន្ទាប់ពីការផ្តល់ជូន លោកក៏បានផ្ញើលិខិតតាមដានលើកទឹកចិត្តមនុស្សឱ្យហោះហើរទៅកាន់ទីក្រុង San Francisco ដើម្បីបង្ហាញវត្តមានដោយផ្ទាល់។
Musk ក៏បានបន្ថែមថា គាត់នឹងធ្វើការនៅពេលយប់ជ្រៅនៅទីស្នាក់ការកណ្តាល ហើយនឹងត្រលប់មកវិញនៅព្រឹកស្អែក។ ម្ចាស់ថ្មីនៃបណ្តាញសង្គម "បក្សីខៀវ" បាននិយាយថា គោលបំណងរបស់លោកគឺចង ការសម្ភាសន៍ខ្លីៗតាមលក្ខណៈបច្ចេកទេស របស់បុគ្គលិកស្នូល ។ លោក Musk អាចយល់កាន់តែច្បាស់អំពីបច្ចេកវិទ្យារបស់ Twitter ៕