ដីលក់បន្ទាន់ ស្ថិតនៅទីប្រជុំ ក្បែរសាលារៀន មន្ទីរពេទ្យ វត្តអារាម សាលាសង្កាត់ និងផ្សារ ពិសេសនៅជិតតំបន់ទេសចរ ។ បើចាប់អារម្មណ៍ចង់បានដីយកទៅសង់ផ្ទះ សូមទំនាក់ទំនងតាមរយៈលេខទូរសព្ទ ឬតេលេក្រាម 017 39 47 47
កាកបាទក្រហមកម្ពុជា បន្តផ្តល់ផ្ទះ៣ខ្នងដល់គ្រួសារទីទ័លក្ររងគ្រោះដោយភ្លើងឆេះផ្ទះនៅស្រុកសំរោងទង
ថ្ងៃទី ៖ 17-11-2022, ដោយ​​ admin , 107 Views
                     
កំពង់ស្ពឺ : កាកបាទក្រហមកម្ពុជាបានបន្តផ្តល់ផ្ទះចំនួន៣ខ្នងបន្ថែមទៀតជូនដល់គ្រួសារទីទ័លក្រដែលរងគ្រោះដោយភ្លើងឆេះផ្ទះកាលពីពេលកន្លងទៅ ដែលកំពុងរស់នៅក្នុងឃុំស្គុះ ស្រុកសំរោងទង ខេត្តកំពង់ស្ពឺ។ការផ្តល់ជូននេះបានធ្វើឡើងនៅថ្ងៃទី១៧ ខែមិថុនា ឆ្នាំ២០២២ ក្រោមវត្តមានលោក វ៉ី សំណាង ប្រធានគណកម្មាធិការសាខាកាកបាទក្រហមកម្ពុជាខេត្តកំពង់ស្ពឺ។

ថ្លែងនៅក្នុងពិធីប្រគល់នោះលោក វ៉ី សំណាង បានលើកឡើងថាការប្រគល់ជូនផ្ទះចំនួន៣ខ្នងនេះគឺដើម្បីសម្រួលដល់ការរស់នៅរបស់បងប្អូនប្រជាពលរដ្ឋដែលរងគ្រោះដោយភ្លើងផ្ទះហើយគ្មានលទ្ធភាពសង់ផ្ទះឡើងវិញសម្រាប់ជ្រកកោន។មួយវិញទៀតផ្ទះ៣ខ្នងដែលបានប្រគល់ជូននៅពេលនេះគឺដើម្បីផ្តល់ឱ្យរស់នៅបានសមរម្យក្រោមការគិតគូ យកចិត្តទុកដាក់ពីសំណាក់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា។

លោក វ៉ី សំណាង បានលើកឡើងផងដែរថា ទីណាមានការលំបាក ទីនោះតែងតែមានកាកបាទក្រហមកម្ពុជា កាកបាទក្រហមកម្ពុជាមិនទុកឱ្យបងប្អូនប្រជាពលរដ្ឋណាម្នាក់ស្លាប់ដោយអត់បាយនោះឡើយ។មិនតែប៉ុណ្ណោះកាកបាទក្រហមតែងតែនៅជាប់ជាមួយបងប្អូនដែលមានទុក្ខលំបាក ហើយរាល់ការគិតគូជួយទំនុកបម្រុងគឺមិនបានគិតគូដល់និន្នាការនយោបាយឡើយ។

ប្រធានគណៈកម្មាធិការសាខាកាកបាទក្រហមខេត្តលោក វ៉ី សំណាង ក៏បានក្រើនរំលឹកដល់បងប្អូនប្រជាពលរដ្ឋក្រោយទទួលបានផ្ទះនេះហើយសូមជួយថែរក្សាឱ្យបានគង់វង្សនិងខិតខំបង្កើនការដាំដុះ ចិញ្ចឹមសត្វបន្ថែម ដើម្បីសម្រួលដល់ជីវភាពរស់នៅប្រចាំថ្ងៃ។ជាមួយនោះក៏ត្រូវគិតគូដល់សុខភាពផងដែរគឺត្រូវហូបស្អាត ផឹកស្អាតនិងមានអនាម័យដើម្បីគេចផុតពីជំងឺផ្សេងៗពិសេសជំងឺកូវីដ-១៩ ត្រូវនាំកូនចៅដែលគ្រប់អាយុទៅទទួលយកការចាក់វ៉ាក់សាំងដូសមូលដ្ឋានរហូតដល់ដូសជម្រុញឱ្យបានគ្រប់ៗគ្នា។

សូមបញ្ជាក់ផងដែរថា នៅក្នុងឱកាសប្រគល់ផ្ទះ៣ខ្នងដល់ក្រួសាររងក្រោះដោយភ្លើងឆេះផ្ទះនោះដែរ ប្រធានគណៈកម្មាធិការសាខាក៏បាននាំយកនូវអំណោយជាគ្រឿងឧបភោគ បរិភោគរបស់សាខាទៅចែកជូនដល់គ្រួសាររងគ្រោះនិងងាយរងគ្រោះចំនួន៧៣គ្រួសារផ្សេងទៀតដើម្បីជួយសម្រាលដល់ជីវភាពប្រចាំថ្ងៃផងដែរ។

COUNTACT US
Email : campost2022@gmail.com
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
                     
        

Copyright @ 2017-2024, Campost.asia, campost2022@gmail.com