លោក ពុយ គា ដែលជាអ្នកតាមដានព្រឹត្តិការណ៍នេះផ្ទាល់ បានលើកឡើងនៅថ្ងៃទី១៧ វិចិ្ឆកាថា ការប្រើប្រាស់ពាក្យពេចន៍ខាងលើបានបង្ហាញពីការឆ្មក់យកវេទិការសេដ្ឋកិច្ចមួយនេះដើម្បីរំលេចឬជញ្រ្ជំទៅលើ “សង្គ្រាម” ដែលកំពុងជះផលប៉ះពាល់យ៉ាងធ្ងន់ធ្ងរដល់ពិភពលោកទាំងមូល។

អ្វីដែលគួរចាប់អារម្មណ៍សមាជិកភាគច្រើននៃក្លឹបប្រទេសអ្នកមានG20នេះឯងដែលជាប់ពាក់ព័ន្ធដោយផ្ទាល់និងដោយប្រយោលទៅនឹងសង្រ្គាមនៅអ៊ុយក្រែនជាមួយរុស្សុី ហើយប្រទេសមហាអំណាចធំទាំង២ អាម៉េរិកនិងចិនក៏នៅក្មុងក្រុមG20នៅពេលដែលកិច្ចប្រជុំG20បានលើកពេញៗមាត់ពីពិភពលោកបច្ចុប្បន្នកំពុងតែប្រឈមទៅនឹងការបែងចែកប៉ូលនៃភូមិសាស្រ្តនយោបាយដែលសំដៅទៅលើអាម៉េរិកនិងចិននេះតែម្តង។

បើតាម លោក ពុយ គា រឿងមួយទៀតដែលគួរចាប់អារម្មណ៍ ពេលមានកិច្ចប្រជុំម្តងៗ ការការពារសុវត្ថិភាពនិងសន្តិសុខរបស់មេដឹកនាំនិងទីកន្លែងប្រជុំជាអត្ថិភាពធំបំផុតព្រោះគេបារម្មណ៍ពីការប្រើប្រាស់អាវុធនិងការបំផ្ទុះគ្រាប់បែក ប៉ុន្តែប្រទេសស្ទើរទាំងអស់នាំគ្នាបង្កើនការផលិតអាវុធឬទិញអាវុធបន្ថែមកាន់តែច្រើនៗឡើង៕

ជាម្ចាស់ផ្ទះ ឥណ្ឌូនេស៊ីបានពង្រាយកម្លាំងសន្តិសុខយោធាចំនួន១ម៉ឺន៨ពាន់នាក់ និងកម្លាំងប៉ូលីសជិត១មុឺននាក់ផ្សេងទៀតដើម្បីការពារសន្តិសុខនៃកិច្ចប្រជុំG20រយៈពេល២ថ្ងៃនៅកោះបាលីដោយគ្រោងចំណាយសរុបអស់ជាង៤០លានដុល្លារ៕