ក្រសួងកសិកម្មបានទាត់ចោលការរិះគន់ទាំងនេះ ដោយបញ្ជាក់ថា ពេលនេះក្រសួងបានចាត់មន្រ្តីសំខាន់ៗ២រូបទៅជួយដោះស្រាយជូនពលរដ្ឋ ក្នុងនោះមាន លោក ឃី កុសល និង លោក ឈុំ ឆុនលី ជាអនុរដ្ឋលេខាធិការដឹកនាំមន្រ្តីចាត់ចែងរឿងនេះ ។
ក្រសួងកសិកម្មបានបញ្ជាក់ខ្លឹមសារថា ពេញ១ខែវិចិ្ឆការហូតដល់ពាក់កណ្ដាលខែធ្នូ គឺជាពេលវេលាប្រមូលផលស្រូវរដូវវស្សា ពិសេសប្រភេទពូជស្រូវផ្កាម្លិះ ដែលជាហេតុធ្វើឱ្យរោងម៉ាស៊ីនកិនស្រូវកំពុងកកស្ទះ និងជះឥទ្ធិពលដល់ថ្លៃស្រូវដូចកាលពីឆ្នាំកន្លងទៅដែរ ។ ឆ្នាំនេះ បើទោះបីជាដំណាំស្រូវត្រូវរងផលប៉ះពាល់ដោយសារទឹកជំនន់ក៍ដោយ ក៍ការប្រមូលផលនៅតែមានច្រើន និងសម្រុកធ្វើឡើងព្រមៗគ្នាចាប់ពីដើមខែវិចិ្ឆកាមក ។
ក្រសួងកសិកម្ម បានបញ្ជាក់ទៀតថា នៅក្នុងខេត្តបាត់ដំបង និងខេត្តបន្ទាយមានជ័យ រោងម៉ាស៊ីនកិនស្រូវជាច្រើនកំពុងមមាញឹកក្នុងការប្រមូលទិញ សម្ងួត និងកិនស្រូវប្រភេទផ្ការំដួលនេះ ទៅតាមសមត្ថភាព និងលទ្ធភាពរៀងៗខ្លួន ៕