អភិបាលរងខេត្តព្រះសីហនុ លោក ឡុង ឌីម៉ង់ បានឱ្យដឹងថា ប្រភពភ្ញៀវ និងភ្ញៀវទៅសម្រាកកម្សាន្តនៅតាមគោលដៅទេសចរណ៍មានដូចជា ៖ ភ្ញៀវចូលតាមព្រលានយន្តហោះអន្តរជាតិខេត្តព្រះសីហនុចំនួន ០៥ជើង ស្មើនឹង ២០០នាក់ កើនឡើង ១០០% ជាតិ ០៥នាក់កើនឡើង ១០០% និងអន្តរជាតិ ១៩៥នាក់ កើនឡើង១០០% (ឆ្នាំ ២០២១ ពុំមានយន្តហោះទេ)។ ភ្ញៀវទេសចរទៅកម្សាន្តតាមបណ្តាកោះ មានភ្ញៀវសរុប ៩០៩នាក់ ថយចុះ២៦,៨១% ក្នុងនោះ ភ្ញៀវជាតិ ៦២១នាក់ ថយចុះ១៩,៤៦% ភ្ញៀវបរទេស ២៨៨នាក់ ថយចុះ៣៨,៨៥% ។ ភ្ញៀវតាមបណ្តាឆ្នេរ និងរមណីយដ្ឋាននានា មានភ្ញៀវសរុប ៨៣.៤៤៨នាក់ កើនឡើង ៥,២៦% ក្នុងនោះ ភ្ញៀវជាតិ ៨១.៣៧៥នាក់ កើនឡើង៥,២៧% និងភ្ញៀវបរទេស២.០៧៣នាក់ កើនឡើង៥,០២% ៕