⏩ លោកអ្នក អាចអាននិងទស្សនា ព័ត៌មានថ្មីៗ ច្បាស់និងស៊ីជម្រៅ ពីសារព័ត៌មាន Cam Post តាមរយៈ ៖ គេហទំព័រ : ( www.campost.asia ) តេលេក្រាម : ( t.me/campost_asia ) Facebook Cam Post : ( www.Facebook.com/campostnews ) Cam Post Tv : ( www.Facebook.com/campostvdos )
 
លោកខាងលិចកាន់តែបារម្ភ ក្រោយ រុស្ស៊ី-ចិន បានសម្រេចបង្កើនទំនាក់ទំនងយោធាទ្វេភាគី
ថ្ងៃទី ៖ 20-09-2022, ដោយ​​ admin , 98 Views
               
បរទេស : ក្រុមប្រឹក្សាសន្តិសុខជាតិរុស្ស៊ីនៅថ្ងៃទី១៩ខែកញ្ញាបានប្រកាសថា រុស្ស៊ី និងចិនបានសម្រេចបង្កើនកិច្ចសហប្រតិបត្តិការឱ្យកាន់តែខ្លាំងក្នុងវិស័យការពារជាតិ ពិសេសគឺកម្លាំងទាហានប្រទេសទាំងពីរបង្កើនការធ្វើសមយុទ្ធរួម ។

តាមការប្រកាសរបស់ក្រុមប្រឹក្សាសន្តិសុខជាតិរុស្ស៊ី បានឱ្យដឹងថា «ភាគីទាំងសងខាងបានព្រមព្រៀងគ្នាបង្កើនកិច្ចសហប្រតិបត្តិការច្រើនជាងនេះទៀត ដោយផ្តោតសំខាន់ទៅលើការធ្វើសមយុទ្ធរួមគ្នា ក៏ដូចជាបង្កើនទំនាក់ទំនងរវាងអគ្គមេបញ្ជាការប្រទេសទាំងពីរ»។

នៅក្នុងសេចក្តីប្រកាសខាងលើ ក្នុងពេលអគ្គលេខាធិការក្រុមប្រឹក្សាសន្តិសុខជាតិរុស្ស៊ី លោក Nikolai Patrushev បំពេញទស្សនកិច្ចទៅកាន់ប្រទេសចិនក្នុងគោលដៅបង្កើនទំនាក់ទំនងសន្តិសុខទ្វេភាគី។

ជាច្រើនឆ្នាំកន្លងមក រុស្ស៊ីនិងចិន បានបង្កើនកិច្ចសហប្រតិបត្តិការឱ្យកាន់តែស៊ីជម្រៅ និងលើកកម្ពស់កិច្ចសហប្រតិបត្តិការដៃគូ «គ្មានព្រំដែន» បើទោះបីប្រធានាធិបតីរុស្ស៊ីលោកពូទីនទទួលស្គាល់ពីក្តីបារម្ភរបស់ចិនចំពោះស្ថានភាពនៅក្នុងប្រទេសអ៊ុយក្រែន នៅក្នុងកិច្ចប្រជុំអង្គការសហប្រតិបត្តិការសៀងហៃ នៅប្រទេសអ៊ុយបេគីស្ថានកាលពីសប្តាហ៍កន្លងមកក្តី។

កន្លងមក លោកខាងលិចបានបង្ហាញពីក្តីបារម្ភយ៉ាងខ្លាំងចំពោះការបង្កើនកិច្ចសហប្រតិបត្តិការយោធារវាងរុស្ស៊ី នឹងចិន ដោយប្រទេសទាំងពីររួមគ្នាគឺជាកម្លាំងដ៏ខ្លាំងធ្វើឱ្យលោកខាងលិចកាន់តែពិបាកក្នុងការទប់ទល់៕

COUNTACT US
Email : info@campost.asia
ទំនាក់ទំនងផ្សាយពាណិជ្ជកម្ម ៖ 017 32 36 36
អាសយដ្ឋាន ៖ ផ្ទះលេខ168 ផ្លូវបេតុង ភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ
FOLLOW US
               
        

Copyright @ 2021, Campost.asia, info@campost.asia